戲院裡的眾生相

電影《Interstellar》成近日佳話。

網上有文章說，不要帶港女去看這套電影，因為她們會看不明白，從而覺得悶。

昨天看到前排的情侶，女的似乎不耐煩的，不斷郁身郁勢，和男友攬攬錫錫，竊竊私語，再回想網上那篇文章，我笑了。

（其實都幾厭煩，好彩我隔離個女人終於忍唔住：「不好意思，你倆的頭可以不再郁嗎？」我又笑了……）

之後，又不絕有些怪人怪事於電影播映時發生，令我想起其實自己不太enjoy到影院看電影，因為，這些討厭的人總會不時出現，令我好困擾。

唔知，你有無同感？

電影院內10大討厭行為：

1 你後排座位的觀賞者老是踢你的座椅（通常都係男人或者細佬仔，點解？）

2 講電話

3 電話響

4 不斷在你旁邊吃麵包，講緊係用膠袋裝住個隻，不斷發出聲響（我昨天就遇到了，好想問佢食緊乜o野，點解可以食成半個鐘，仲不斷有膠袋拎出來！）

5 情侶「依依泣泣」，摸身摸勢

6 旁邊（或隔多1、2個位）的人成日大力撞（或挨）在椅背上（大佬，係會震到我ga）

7 食D太重口味的東東，如麥記薯條

8 坐錯位，仲要唔認，「係咩，咩呀，無理由坐錯喎……」

9 咳…… sorry，我都知佢唔想同控制唔到，但真係好煩…… 所以我病係唔會去戲院，驚俾人啤

10 傾計，討論劇惰（你是他媽的唔講o野會死嗎！！）

其實要數，真係仲有，證明呢個世界上有好多人唔識尊重自己、尊重人（病人喪咳除外），希望大家能夠做一個良好公民，同埋多一點同理心，開開心心睇場戲，咪幾好～