唔正宗又點？

一家餐廳，怎樣為之好？

做飲食記者，成日用「做法傳統」來讚揚一家餐廳，但有時，土身土長的香港人又怎會知道一家意大利餐廳是否正宗地道？

都不過是靠睇書、看人家寫的集結而成吧。

當中好吃與否，都是個人得很。

像pizza，有關文章看得多，略略知道正宗薄餅應該是一個怎麼樣的樣子，但好吃與不好吃，是另外一回事。

這次來到Pizza Express，單看她的羅馬薄餅圓滾滾一餅（不是應該四方形麼！），又多古靈精怪配料，就知道這裡是pizza hut西洋版，都是被外來因素「薰陶」了，全都「改良」了。

但，我又覺得不俗。

薄餅的皮很薄，很脆，吃時不覺滯膩，若然餅底可以做得煙韌一些，會更高分。

喜歡它，還有夠熱辣辣。

一咬下，即被意大利藍芝士、法國大孔芝士、fontina芝士和mozzarella cheese燙個正着，好不過癮。

加上，吃到藍芝士的「臭」，算是沒有偷工減料吧。

新鮮是這店取勝的地方。

焗蘑菇配焗麵包球，平庸到極，水準也非上佳，只是麵包外脆內軟的新鮮滋味，又令之加了不少分數。

附送還有個乾番茄醬，也不錯。

多點的，還有意式青豆，放了巴馬臣芝士、松露油和橄欖油，清新。

吃得飽飽，一杯真正鮮榨橙汁到胃，消解飽滯，之後還可沿赤柱海旁閒走，舒泰滿足。

有時用膳，我倒喜歡放下工作的包袱，簡單樂在其中。

題外話：唔知係咪"仍"住，仲覺得赤柱分店特別休閒。

Pizza Express
赤柱赤柱大街90號
2813 7363

**中環、灣仔、尖沙咀等都有好多分店~~

久違了的西西里批

人生第一個吃pizza的體驗，係pizza hut帶給我的。

記得當時每次吃pizza hut都開心，因為感覺好新鮮，每次又薄餅又意粉又焗飯，比起晚晚食住家飯豐富得多。

而第二個pizza，無記錯，是california pizza kitchen。

印象最深，是她的西西里薄批，好脆，好香，當中的辣肉腸惹味又香口，那用上香料醃過的辣肉亦刺激好吃......

後來人大了，特別是做了飲食記者，試的餐廳多了，吃的pizza多了，pizza hut已經out of my list~ 想不到是cpk仍然在我的幫襯名單內。

前天和媽咪幫襯，水準依然，那西西里批依然具備傳統薄餅的特色：餅薄、底軟、邊脆，好懷念啊~~

跟朋友講起，他們的反應是：唔~ cpk麻麻o地jei~~

係ga，佢唔係樣樣o野都好食，不過西西里批一定無介紹錯！同埋若果叫開意粉，你要是愛濃稠的、味濃的，叫白汁、忌廉都會合心意，不過先旨聲明，好幾款的醬汁都做得太結，吃罷很膩；反而番茄醬的意粉較出色。

這個蒜香忌廉汁雞肉意粉，其實無論是意粉質地、雞肉都做得唔錯，只是那醬汁實在濃稠難擋，未必個個喜歡啊。

如果方便，去幫襯銅鑼灣店吧，因我試過旺角店，有點失準。

California Pizza Kitchen

銅鑼灣勿地臣街1號時代廣場食通天13樓1306號舖

3102 9132

食在布吉芭東

住就好喇，咁食o個方面呢？

老實講，麻麻o地。芭東餐廳最多是主打海鮮，其次是pizza/ 意大利菜，再者是歐陸菜，再之後呢，是麥當勞。真的，麥當勞多到像7-11便利店，差不多行到邊都見到。

於是今次我就按forum網友推介，試了以下餐廳（中間的Roma pizza店是自己找的~）。

第一間LOTUS真係好好食。** 一定要上佢網站book檯啊！

吃海鮮，還要是活的。一進餐廳已經有幾個大魚缸等緊你，裡面有虎蝦、龍蝦、蟹和各種類鮮，全部都好生猛，睇得出好新鮮。每一道海鮮菜，都可以自己出去揀海鮮...... 不過都唔係好識揀~

環境仲正，對住個大海，邊聽著海浪聲邊吃海鮮，好嘆！氣氛亦浪漫，現場有live band唱慢歌，叫我和他都很enjoy。

海鮮食法不離其中：先揀海鮮，再揀煮法。我們點了燒虎蝦、炸魷魚圈、蝦cocktail、煎三文魚...... 除了後者，其他全部都有水準。再叫來紅酒2杯，看著他，醉了。

第二天我們出海玩了，吃了個很流的午餐~ 故第三日，我們決定食餐好，入了這家Roma吃pizza。後來睇返旅遊書先知，原來這店由意大利人開設，18xx年開設，以正宗意大利pizza作招徠。

由四種芝士混成的薄餅，餅底好薄，皮邊脆，是正宗意大利pizza的證明；上面的芝士好多，好香，熱辣辣超好味！（搞到我又破戒飲可樂！）

千層麵，聞說所有意粉都是homemade，但有d鹹，所以我只吃了一啖~~ （淨食薄餅都夠滿足啦~）

到尾二個日，嘩...... 真係好彩無錯過這家number 6。

基本上，街上無乜邊家餐廳會爆場的，除了我在LOTUS和酒吧見過全場有9成爆滿，好少店子會像number 6一樣，無論下午定晚上都坐滿人，有香港人亦唔少外國人。

她是家泰菜館，好地踎，亦唔大，食物賣相仲幾求其；不過絕對值得品嚐。

簡單的一個菜，炒得很有鑊氣，好香；最好吃是下面的咖喱牛肉，那黃咖喱充滿香草味，微辣而香，好愛啊！

相信愛吃泰菜的港人，來到絕不會失望。

提提你，佢個menu幾難睇得明，如果唔知點叫，不妨問個waitress，指一指個菜式名，佢會點頭say "yes，good" or 擰頭示意不好叫的~ ^_^ 很老實啊。