跟日本人食味十味

31日，蝦路胃~ 先祝大家整晚心驚膽戰，被人嚇到鼻哥窿無肉！

今個Halloween，有好多個第一次：

第一次唔使做halloween題目，第一次可以合埋眼delete曬d halloween新聞稿，第一次想去海洋公園哈佬喂但去唔到，第一次...... 唔在香港過。

真開心。

好喇，係臨出發前，想介紹一家日本餐廳俾你─味十味。

這是一家混合了日式串燒和法意料理的小店，由井上惠子太太主理，她曾在法國Le Cordon Bleu（法國藍帶廚藝學院）學習正統法國料理，畢業後又在巴黎米芝蓮三星餐館Taillevent工作進修，即使開店後，井上太太每年仍到法國、意大利等地學習新菜式，所以簡簡單單的一道意粉也好吃。只是，吃意粉時要用筷子，cute + 極需技巧！

不過論最愛，始終是串燒，牛舌香濃有嚼頭，豬頸肉juicy不韌，鹽燒雞翼鹹香好吃。

串燒豬頸肉

鹽燒雞翼

牛舌

串燒做得好吃，除了講求師傅對火喉的拿掐功力，也要求食物新鮮，這裡絕對沒有令人失望。

忍不住，還是叫了碟意粉，是truffle忌廉意粉，白汁底不太稠，但味道又濃又香，重點是吃完整碟也不覺膩，很滿足。

芝士年糕，麻麻地，燒得好硬，但又帶黏，癡著牙不走！可以不叫。

前菜：茄子意粉，簡新爽利。

是夜暢快，索性來支細的sake─上善如水，凍飲，令不太愛sake的我易入口d，不過這支我卻嫌它味道太淡，飲罷不夠盡興。

就這樣，每人承惠$350，於串燒店而言價格合理；下次來，要再選支更好的。^_^

味十味

地址：銅鑼灣登龍街28號永光中心7樓

電話：2836 0671 **最好訂位，因為好多日本人幫襯，幾爆。