October 12, 2010

水準之上大班樓

一班老友,久久沒聚,故對於是夜慶生晚餐我由衷期待;而另外叫期待的,是吃到渴望已久的大班樓。

這家大班樓有乜架勢?

一、手工粵菜出品聞名,最大賣點是無味精、吃原味;(而又真的做到)

二、餐廳以優質食材為先,像豬肉會用譚強的健味豬、老字號樹記的頭輪腐竹腐皮、連雞都要是新鮮的三黃雞。

三、江獻珠、肥佬黎、蔡瀾、倪匡等人吃罷都讚不絕口。

要數,真係有排都數唔完,所以不如試一試以嚐真章。

餐牌分頭盤、主菜、炒麵/飯、湯水和甜品,另有四人和八人套餐,各自$4xx一位起,可接受。而是夜我們為了試到更多,所以都是散叫,點了8道菜,7人食,除6人份(我們無計壽星女啦~~),每人$240,不算貴,但其實是我們不太肚餓才可以有這價錢落樓,因honestly每碟碟頭好細,差不多每人一件/ 每人一羹的份量,而每碟賣$128左右,肚餓起上來每人$4xx免不了。

好,先來頭盤。

松子櫻花蝦,做得很香口,佐酒一流;

陳皮麻辣牛舌(好似係咁叫...),醬汁調得香濃,面頭灑有大量蒜茸香蔥芫茜,一併吃極香,又是下酒良伴;

酥炸金菇,炸得乾身不油,酥香好吃;

Sorry朦了...... 但這可是我至愛的話梅肉桂糖醋排骨,超好食!排骨外層好脆,醬汁濃稠帶香,好味好味!

十八味雞,吃得出用新鮮雞,超滑!味道層次複雜,但搭配得宜,必吃!

牛肋骨...... 她本說要訂的,但好好彩我們去到時有剩材料,所以食到。唔識形容,仲知好腍,牛味極濃,好好好好食,一定要叫!

之後我們仲叫了魚雲豬油渣蒸蛋、豉油王牛柳邊炒陳村粉、魚湯白菜膽...... 不過水準麻麻,蒸蛋沒蛋味,只吃到魚雲的腥;陳村粉似炒牛河(枉個侍應勁話好食)、個菜就正常。

Anyway,是夜我們都很滿意,最緊要係一班人食得開開心心,其實食乜都無乜所謂啦~~

中間藍衫者正是當晚主角咯~~ 


大班樓

中環九如坊18號地下

2555 2202

No comments:

Post a Comment

Translate