April 29, 2011

傳聞中的海龍王

等了整整2個月,剛過去的星期六終於去了海龍王喇!

雖然當日天雨濛濛,氣溫又低(才18度耶~~),加上半病不死的狀態,去到海洋公園,除了只承擔得起騎木馬的興奮外,所有過山車跳樓機一律免問!

不過我仍然好開心,因為是第一次和陳生去海洋公園啊~~

在公園遊玩了好幾小時,我們last一站才是水族館。

沒想過原來參觀的area和餐廳是可以打通的,即例如2樓是餐廳,下面那層就是遊客觀賞區,所以餐廳都幾應聲,不斷傳來遊人的喧鬧聲~~

望向欄杆出面就會見到下面大班人遊人啊~~

至於餐廳究竟靚唔靚呢...... honestly,無想像中咁靚,感覺幾細,設計也欠心思,連檯布的錢也慳,竟用上白色紙張來代替,食物水準也不敢想像了。

打開餐牌,menu設計很差,基本上說不上有前菜主菜之分,又中又西又日,所謂前菜九成是中餐,令想吃西餐的我大感無奈。

主菜除了炒粉麵飯,也有海鮮和扒類,我們求穩陣計,點來肉眼扒,唔...... 只能說,它成功做到了medium rare lor~~ 

我們開頭驚份量不夠,還點了花雕雞......

味道就...... 來貪過癮,求其醫飽個肚就算啦好無?

所以我們都沒再叫甜品(反正選擇都不吸引,雪糕又唔食得~),寧願之後辛苦d搭的士出去香港仔舊大街買 ^^

陳生一邊望住個"魚缸",一邊自言自語說(自娛中~):唔該,我想清蒸個邊個條魚吖~~(服了他~~)

呢個就係我個日gei貓樣,堅病~ 死撐~ 賣笑~ 可謂不遺餘力呀~~(唔係講笑,星期六那天堅凍,唔夠衫的感覺慘死~)

**餐廳好串,因為傳聞中的海龍王好爆場,亦因此成日唔接電話,但個晚去到只坐滿七成,而且一去到7:30pm就差不多全場人走曬,因為夢幻水都有表演睇~~ 更特別係,竟然一檯西方遊客都無,唔通外國人唔鍾意一邊睇魚一邊食o野?


海龍王

香港仔海洋公園夢幻水都

3923 2268

4 comments:

  1. 有機會的話7.30先去walk-in 死死團是也.

    ReplyDelete
  2. 算啦,食experience一次夠 不過有陳生搞下氣氛你一定都食得好開心。 保重呀,咳真係可以好長手尾,有無食過日本龍角散?台灣版係萬寧都有售。我食的係日本版,都幾work。

    ReplyDelete
  3. 之前睇完你講去海洋公園,超級心動,見到你介紹間餐廳,超級disappoint.
    我重打算生日去tim,睇黎我去完海洋公園都係落返大坑/香港仔食野算啦...

    ReplyDelete
  4. 咁你果日有無好失望呀?

    ReplyDelete

Translate