有緣麵包

又失眠！

由上星期日開始到今日，一直失眠，昨夜最嚴重，2am至天光中間都沒睡過。

之前以為係因為做大稿壓力大，所以夜晚成個腦都係篇稿的內容，但星期五都已經交了稿呀，為何仲失眠？

唔通係因為就快影婚紗相？

對。今個星期六日就影了，看個天應該會下雨，而我因為精神狀況太差，突然瘦了很多，疲倦得很，完全無心機。

-
呢一晚，人很累，整天都沒吃過什麼，又開始躊躇晚飯。

幸好有琪蓮叫我去她家。

琪蓮是上次做麵包訪問其中一位blogger，我們成了朋友，她家住我附近，這天她去Levain學做麵包，之後叫我一齊分享成果~~



好豐富呀！有酸種、法包、芝麻包同牛角酥！！！







配包的，有這碗窩心熱湯。琪蓮自家煲的番茄湯，濃厚好喝~~~





芝麻包，外皮超脆，內裡超軟，焗完後暖呼呼，好味！












左邊就是麵包達人琪蓮，其實她煮飯也很捧~ 隔離的是某酒店品酒師Zach~~



結尾係牛角酥，藍莓和朱古力，超級邪惡!!!!!!  但新鮮製的滋味真的超好吃！！！



最可惜係朱古力味太濃...... 一吃便蓋過了牛角酥的牛油香了~~（食完真係唔敢上磅~)



突然有這樣一夜，真係覺得自己好幸福。

最重要是這兩位朋友都是愛吃懂吃之人，見住他們吃不停的瘋狂樣子，自己都會食得開心d，我想愛吃的人都應該是這樣吧。