August 4, 2011

油頭

在這裡要多謝各位blogger提供了這麼多治咳良方,燉橙和果皮的方法真係第一次聽~ 我會試的唷。

不過點都好,還是看了醫生;感覺好一點了,美滿地以為請一天病假,休息好就會沒事,誰知惡夢來了......

一起身,我成個頭頂的頭髮竟然變得"令立立",好多油,好似十日無洗頭咁!

其實星期一已經開始這個情況,不過未算好嚴重,加上以前試過,諗住用深層洗頭水洗完便無事,點知洗完仲大件事!

愈洗愈油,係出唔到街個種!

於是即刻打俾髮型師求救,他說應該是頭皮被受某種刺激,如再用熱水和深層清潔shampoo洗它只會愈洗愈嚴重。

接著他叫我用冷水洗,找一隻普通shampoo(我之前是用霸王的~),以7:3的比例混洗潔精一起,略為塗勻,不要捽頭皮,然後沖洗。

效果係...... 無咁油,不過個髮根仲係"令"的!

點會咁ga!

搞到今晚陳生媽媽的生日飯局都去唔到,我知陳生應該不大高興,但我真的不想呀....... 

等緊髮型師來我家救命,希望他快點來呀!!

******

題外話,我拆甲了!

做了多年gel甲,上星期終於忍痛拆掉,算是讓指甲休養生息吧。

為了甲型美觀,我努力用指甲鋤來弄得像gel甲的形態~

看!這些都是我的真指甲耶,不錯吧?

不過...... 單是鋤甲已經弄了一句鐘...... 頗考耐性。

看來以後只能在周末修甲了。

9 comments:

  1. 關唔關結婚啲嘢搞到失調

    ReplyDelete
  2. 你會唔會係有0的野刺激到? btw, 我試左LED gel甲呀 好正呀~~ 又唔傷真甲~~~

    ReplyDelete
  3. 今天聽朋友說Co2 mask 對skin good good, 妳也可一try, skin good d, 人都醒d.

    ReplyDelete
  4. 我第一次整佢就當我試整.. 四百幾蚊.. 我覺得ok啦.... keep到3個禮拜喎..

    ReplyDelete
  5. 你可以到店舖修甲ma, 普遍$100內可以幫你修甲+油埋OPI甲油架喇

    ReplyDelete
  6. 真指甲??整得唔錯喎, 好似gel 甲呀!!

    ReplyDelete
  7. 係呀, 真係整得幾好, 得閒教我整吖!!我之前整過gel 甲, 但d真甲會變黃, 而且無乜耐性等咁耐, 我好羨慕人哋可以自己整到d指甲咁靚!! Btw, 身體好些了嗎?Take Care喔!!

    ReplyDelete
  8. 我點都唔用霸王因為佢係成龍的代言品 咁現在好些未呀? 女人修甲, 真係可以用黎消磨時間....

    ReplyDelete
  9. 真甲都咁靚唔洗整gel甲啦

    ReplyDelete

Google+ Followers

Translate