October 15, 2010

What a nice Shore!

估都估唔到,o向一幢完全「無o野」gei商廈裡面,竟然開了一間餐廳,還要是一家開業不夠半個月,已經經常滿座的西餐廳。

她是Shore。

話說店名頗有意思的,於設有兩層的店子內演繹出來:上層(4樓)是Onshore「陸上」,為主要用餐區;下層是Offshore「海洋」,是露天和室內酒吧。

咁叫得陸上和海洋,明顯地餐廳同步主打扒類和海鮮,而前者更以自家dry-aged牛扒為首。呢一日我就受公司F小姐邀請,在Shore吃了個lunch。

呢度係上層4樓Onshore,都幾精緻舒服。

呢度係下層Offshore,感覺同4樓好唔同,氣氛輕鬆些,無咁拘謹。

露天酒廊,因當日好多人坐在這裡,所以我只影了邊邊~ 雖是樓景,感覺卻幾開揚,一d都唔局促。

係開餐之前,我好想講:呢d大group開的餐廳,專for外國人的餐廳,個人一向都唔多喜歡,因為總覺得味道不會太合脾胃,且貴得來不值那種。但呢度有d令我改觀。

麵包,有d失望,太粗o鞋。

大廚給我們的驚喜:忌廉湯~ 濃稠、滑溜,不及掌心大的一小杯也夠滿足。

Heirloom Tomoto,用了多款番茄做,有番茄仔、有機番茄、綠番茄,好fresh,當中還加了點點almond和香草。

Steak Tartare:一入口幾鹹,但之後吃落又好有牛味;他他已人手剁成,每口都嫩軟軟的。

另外有道Lettuce Heart with Crab的沙律,但忘了影相。這道超好食,以生菜連芯成個上場,配搭green goddess dressing、青瓜和洋蔥,清新到不得了。


菜係...... Pan Roasted Fresh Fish~
有d失望試唔到牛扒(不過聽試過牛扒的飲食男女同事講佢d扒好得,所有搵日我會再去試的~),但呢款魚都無令人失望,是可持續發展的魚鮮,以人手釣,夠環
保;野生,簡單煎烘已吃到鮮味。魚底下還墊了甜洋蔥,食完整份也不覺膩。

到甜品喇~~

因為係media lunch,所以一次過來了四客俾大家share~~ 分別是Carrot Cake、Textured Tart、Chiffon Cake、French Hot Chocolate、Cheesecake和Creme Brulee。

個人最欣賞係芝士餅,軟滑好吃;其次係Textured Tart,亦即是朱古力蛋糕,用Valrhona朱古力做,味道超濃。

Chiffon Cake,麻麻地~ 我唔鍾意裡面加入其他味道。


呢個就係Textured Tart,一餅o野,係我影得衰之故~


Shore

中環皇后大道中139號L Place三及四樓

2915 1638

平均消費:$600(餐廳)

2 comments:

  1. 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室

    ReplyDelete
  2. 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室 聊天室

    ReplyDelete

Translate