February 8, 2011

飽到瘋的火鍋

新年前中後,我都係不停食食食,完全忘記了減肥的事。(其實是因為之前又病,營養師建議我停一排,叫我新年後再開始過啦~)

像前晚,我就吃了頓好GOOD的開年飯(其實明明係自己同朋友新春聚會,但因為吃到凌晨,索性當開年飯算矣。),同成班老友打邊爐,飲紅酒,為兔年首個開工日打氣。

早在大半個月前,我們已經擬定要在家辦一次矜貴火鍋宴,故一早就訂來美國靚牛肉、日本鱈場蟹、讚岐烏冬、清酒等,連帶其他海鮮呀丸呀菜呀,湊成一晚飽到睡不著的晚餐來~(我昨晚真的碌了很久耶~)

即刻俾大家visual上睇下昨晚的盛況~


大家見唔見到近右邊的丸子山,竟然可以消曬!好強!

鱈場蟹,好捧!下面個隻腳唔算大喇,有一隻仲大,但好快俾人消滅o左。


美國靚牛肉,係影得有D樣衰,但真的好吃,很有肉味啊~ 同埋好抵食,在大亞訂,約百七元,便有4層牛肉耶~(圖中只是面層)好辛苦先清曬。

朋友們好識食,連蛋都要揀隻食kimchi的雞所生的,好彩D蛋無kimchi味,因為我唔好~


新年流流,最開心可以同成班朋友一齊過,講下笑下,八下是非,哈~ 這種瘋狂大笑的情境,好耐無試過喇。
希望好快再有下一次~

No comments:

Post a Comment

Translate