February 21, 2011

庶民紙上燒

大家樂之所以成功,有賴她的市場策略吧,食物款式很緊貼市場,像之前的一人一爐、一人鐵板燒飯等,予人感覺又多又新。

或許,好唔好食是其次,快靚正才實惠,一個扒餐有酥皮湯+沙律+牛扒連菜蔬才$5X,點都平過翠華。

所以有時不得不佩服她,比方今季又有新作:「和風紙上燒」。

什麼東東?就是有個類似鐵板的東西,放在日式炭爐上(suppose係炭,但現實中當然不是啦~~),上面放了一張紙(個人感覺有D似日本紙火鍋個種紙~~),另有食材給閣下自己燒下燒下。

特別在,除了可以自己動手,那張紙在燒時可以吸去肉類多餘油份,而保留肉汁,留住每滴精華。

係咪gimmick就見仁見智,不過食材感覺幾豐富(同一人一爐一樣睇得下~),有「海之選」、「牛之選」、「豚之選」3款,前者包括海蝦、鮮魷及穀飼牛金菇卷;後兩者就是將海鮮一角換上了牛肉和豚肉吧~(幾叻,明明係平價豬肉,加上個豚字又醒神好多~)每款另外再配日式蒸蛋、雞肉軟骨串、獅子狗卷、野菜及炒物等。

雖然聽落都係燒燒燒,但其實如果大家先燒肉類,等D肉油流了出來後才燒其他食材,整體應該會香好多。(都叫做食得有D心得啦~)每款「紙上燒」都有炒物可選,烏冬定珍珠飯,視乎你的口味了。同埋抵讚的是,大家樂肯花錢,不斷買來新器具,推新食法,marketing很ok。

Promotion明天開始有得賣喇~(希望唔會好似一人一爐咁,一到8:30pm已經售罄!)售價$45起。都係同一玩法,另加幾蚊就有特色飲品,閣下自便。

4 comments:

  1. 大家樂食物質素又真係幾好(同另外兩間快餐店相比)
    我好愛佢的即磨咖啡,個人甚至覺得比星巴克仲好飲 (咖啡迷唔好打我,我無乜咖啡senses)
    員工服務又好

    ReplyDelete
  2. 遊戲星樂園 - ←點我進入~^^
    免費美女視訊 聊天 免費美女視訊 聊天

    ReplyDelete
  3. 呢個我睇廣告覺我好得意, 有機會好想試吓, 唔好食都應該好玩啩..

    ReplyDelete
  4. 遊戲天堂 - ←點我進入~^^
    免費美女視訊 聊天 免費美女視訊 聊天

    ReplyDelete

Translate