February 27, 2011

旺角叉燒飯

記得2個月前有位blog友pm我,形容我做「愛吃,但只吃貴餐廳的blogger」。

其實自問哪有財力勁食貴餐?不過基於職業,老是嚐到酒店/ 高檔餐廳罷了,而我的心態是,自己平時吃不起,就趁工作期間好好品嚐她們的出品,算是見識見識。

加上,我是飲食守舊派,新派fusion gimmick一律無興趣(為工作除外),反而愈道地的愈能引起食欲。

回想起來,以前都不太愛燒味飯,因為我只吃「胸」,偏偏餐廳經常俾「髀」我(我知對方是對我好啦~),另總覺得叉燒是呃錢食品,不特別喜歡吃。

但,不知何時,柯打終提起勇氣叫「我想要雞胸唔該~」後,一切改變,我愛燒味。然後再吃過蜜味十足,肥瘦相間的叉燒後,又愛上了它,從此一發不可收拾。

我不是太擅長揀選燒味餐廳,只知灣仔喜喜出色,柴灣也有一家,後來再發現這家富記。

在旺角的她原來好出名,開業三十多年,極多捧場客,就像是夜七時來到,人客絡繹不絕,年齡range仲好大,由90後到60後都有。

地方逼得人貼人,侍應每次行過都撞到我的背,但還是值得去,因為她的出品很讚。她的粥品是店內明星,粥底沒加味精,煲得又綿又有米香,而且鯇魚、豬腰、豬膶等都是新鮮貨,有誠意。店內還有許多湯飯,像魚腩湯飯,但飯和湯分開上的,湯內很足料,大大件魚腩,飄來朕朕香。

但我還是點了叉燒飯,有碟和碗兩種,各賣$28和$24,女孩子吃碗的剛好。

她的叉燒未致肥瘦相間,應該是貨種問題,因為我在「開飯」網見過有人吃到肥瘦佔半的叉燒。但也好吃,叉燒腍軟,蜜香足(可以再濃d),帶少少肥,香軟味美。價格也很怡人。

陳生點了鵝胸叉燒飯,仲吸引,啖啖肉!不過我唔食得......


另外還吃了西蘭花鮮魷,很有鑊氣,驚喜。

據說她的炒粉麵也出色,像乾炒牛河、星洲炒米,通通鑊氣十足,下次來要再試。


富記

旺角花園街104號地下

2385 1230

4 comments:

  1. 我以前係灣仔番工,講真吾覺得喜喜好食,好幾次燒味超級鹹,係鹹到入吾到口果隻。 富記地方係污糟d, 不過燒鵝飯(我媽咪至愛)、湯飯、仲有炒豬雜河/麵都吾錯架。

    ReplyDelete
  2. 剛才忘記說,“ 新派fusion gimmick一律無興趣 ” 完全認同,我也一樣忠於傳統派。

    ReplyDelete
  3. 為食而已。食家要好有錢有面先做到 你幾時減完肥先?講真我睇相覺得你好fit丫!

    ReplyDelete
  4. 灣仔有"再興"呢? 有冇食過啊~ 都唔錯架~ 有叉燒味又有豬肉味~ 對唔住呢 我既形容好似有點弱雞... 哈哈 不過星期日唔開的~

    ReplyDelete

Translate