March 8, 2011

很矛盾的一頓......

魚八水產開業時,正值日本餐廳極盛時期,差不多每隔幾天便收到公關send來email說有新店開,所以我也沒多留意,覺得又是港式的日本菜,沒興趣。

誰知有驚喜。

呢日跟一位公關好友想吃日本菜,又想試新餐廳,便來了。

一進門,坐在一檯日本人隔離,已知這裡的水準應該不會差到哪裡。及後還有一位香港廚大說日語招呼這班東洋客,更覺有睇頭。

原來店子是由日本三重縣來的漁夫開設,據講他於漁業界曾屢獲獎項,很講究食材,非日本貨不用;主打刺身、壽司以及特色“浜燒”;但單看餐牌,是很港式類的大堆頭,壽司刺身鍋物串燒天婦羅烏冬拉麵...... o岩曬貪心gei香港人。

想不到第一道來的,竟是燒牛舌,不是應該吃冷盤先嗎?

Btw,它很讚就是了,牛舌燒得軟韌有致,好嚼好吃,面頭灑了些有薑茸味的濃味醬料,很惹味。(最可惜是不能多吃呀!>口<)

之後的壽司,新鮮喎~(除海膽水準平平)吞拿魚腩碎軍艦好得,帶子又甜又鮮。(咁gei價錢,平均約$4x兩件,很划算喎,差唔多千兩價錢,但水準高過佢N倍) 

牛油筍,走了牛油,吃到筍香,外面燒得脆脆的。

稻庭烏冬,是正當我們猶豫好唔好點多樣的時候叫的,料不到它才是全晚之最。稻庭烏冬吃得出是手打,富嚼頭,即使來到只吃這個也值得。另有冷吃。

整體叫人滿意,不過好戲陸續有來,因為同場加映跑得好快gei老鼠一隻,公關好友見到大叫,我一望,見到牠在我不遠處走過,成條鼠尾......

我知,以我性格,仲要作為飲食記者,好應該投訴,但唔知點解感覺不大...... 可能因為我不怕老鼠吧~ 哈~

睇到呢度,可能你們都不會去吃了。但我還是會推介的,因為至少我沒有肚痛呀,感覺那是個別事件。唉...... 很矛盾呢~~~~

一係咁,如你們仍有興趣來,最好坐近店門好了,千萬別坐最盡頭的卡座啊~~

祝好運。


魚八水產

銅鑼灣廣場一期6樓 6A

3520 2730

4 comments:

  1. 有老鼠O既餐廳我又係照食... 傻傻地..
    多謝介紹 ! 一定幫襯 !

    ReplyDelete
  2. 有次去峰寿司食LUNCH、有 隻老鼠従天而降周囲走AR 個日本女人STAFF仲想徒手”琴”隻老鼠 可能D日本人無意識到香港O甘多老鼠?!HAHA

    ReplyDelete
  3. 其實係外面廚房都好難避免,老鼠可以話係無處不在的 食大排檔都係o甘啦最緊要你無肚痛就隻眼開隻眼閉囉 聽聞八水好抵食不過我吾知咩質素,不過你話得ok就無問題啦。

    ReplyDelete
  4. 我之前都去過, 仲坐同一個卡座, 雖然眼不見為乾淨... 但都係有d陰影, 哈哈

    ReplyDelete

Translate