November 2, 2011

我們眼裡的北京【木棉花酒店】

每次去旅行,住宿的責任都交到我手。

無他,因為我要求高,又有點潔癖;加上陳生覺得男人係睇大圍o野,女人負責細心處,呢d咁貼心的東西就交給我好了。

於是每次搵酒店都成了去旅行之前最痛苦的動作。

選了又選,Hilton、Westin、索菲特、Hyatt都是心水,看旅遊書,價錢不算貴,才千來元。

但後來經做travelling agency的舅父check過,最平的Hyatt都要近三千大元一晚,那我只好放棄了。(想不到內地酒店加幅可以咁快咁大!)

之後,找到了木棉花酒店。

房價不貴,連帶機票7日6夜只是4,9xx(未計機場稅)。

按資料看,這酒店有很多好處:

「位於市中心王府井東華門大街的時尚精品酒店,毗鄰故宮東門和王府井步行街,至王府井大街步行約10分鐘;周邊購物中心、特色餐飲、酒吧遍布,酒店以時尚、簡約、舒適、品味為酒店品牌特色,滿足時尚商務人士的個性化差旅需求。

酒店整體設計采用了現代、簡約的風格,並著重對中國傳統建築和居住文化的歸納和演繹。」

這是官方介紹。

「酒店有許多外國遊客入住,所以氛圍特好,店員全都會流利英語。」

這是旅遊書介紹。

好,先睇相:


















整體上......

環境:跟官方照片分別不大,只是沖涼設計不太好,花灑水極易飛出浴室其他位置,而浴室是沒有門的(只有窗簾的物體),在只有幾度的情況下沖涼,即便是室內都會凍唷~~ PLUS,沖涼的位置邊邊有點發霉,對略有潔癖的我是起雞皮的~~

** 房內經常有蚊,我一個早上隻眼被叮腫了!(以下相片我不是chok,而是真的被叮腫了眼啦!)




地點:說近王府井大街,希望大家別被誤導。我指的是,王府井大街基本上對於香港遊客來說是nothing,而那條大街是超超超長!由酒店去王府井大街要至少10mins,要行完大街到王府井站要10-15mins,人都癲!!!再經商場穿落地鐵,要5-7mins,當你已經行o左全日仲要再行呢半小時路程回酒店,應該會好後悔!(講真,就算近故宮又點?見到故宮仲要行最少20mins先去到正門啦!)

服務:遭白眼!陳生普通話不好,所以愛說英語,但對方則好像覺得我們在耍他們,面口不好之餘,仲繼續同你講普通話,很無禮的表現!你唔同日本人,像她們的sales,好多都真的不會英語,係咁講日語好正常,但人家會附設大量的身體語言和笑容,和你們這班苦口苦臉的中國人是兩碼子的事!

叫receptionist幫我book花家怡園餐廳,對方竟然可以長長的嘆一口氣,且一眼都唔望我就拋下一句:6點半!我唔開你波,係因為我國語不好,且我唔想影響我的好心情,他媽的!

**訂房時,請只說KING SIZE BED或大床好了,像我舅父寫下雙人大床,酒店竟然可以詮釋為雙人床!!!好彩有房可換!

食物:我對酒店的早餐buffet從沒期望。


你問我會再住她嗎,如果真的budget有限,我會,否則,不會,就這樣簡單。(我強調,她一點也不差,只是,我要求高,又或者係我唔好彩,遇上不好的店員!對我來說,服務勝於一切。)



木棉花酒店

北京市東城區東華門大街16號


** 想提提大家,關於買旅遊書的。

也許是我白痴,行了幾家書店都只見這兩書(我不看LONELY PLANET的),一口氣買了,亦帶了去北京,但我確實被右邊紅色那本水了N次,不但地址寫得不正確,地圖亦有錯誤,而且好多都是大路的東西,不及左邊那本心水,所以勸大家買銀色那就可以了。

(跟了銀色那本去幾個地方買手信同嘆茶,非常喜歡呢!)


5 comments:

  1. 我係台灣返黎la! 你個look好搞笑~
    得閒就去我blog睇幾幅我pre-wedding既snapshot la!!
    Cheers~

    ReplyDelete
  2. 估唔到你對木棉花的感覺不太好,我又覺得唔太差,反而態度好過我頭兩晚住的Legendale (超豪華裝潢)... 而且服務超好, 送行李上房兼介紹設備又專人打番電話比我答問題. 中午食過飯至去機場, 味道也好好. 不過我都覺一點都不近王府井, 我都係由工府井大大大街行返酒店~超想死!!! PS. 我都係用左紅色那本旅遊書. 可能我冇咩特別去佢地介紹的地方, 當是用下張地圖, 所以又唔覺得唔好用. 你銀色那本書介紹左咩特別野而你又去過好架?

    ReplyDelete
  3. 閃底果本野, 我中過好多次招, 完全係老點天書! 仲有其實點解依家d酒店個浴室成日都咁奇怪, 你開放式都算啦, 都俾番塊浴簾我吖! 往往得半塊玻璃, 搞到一地都係!

    ReplyDelete
  4. 你俾蚊釘都笑晒口仲同場加映情侶sweet爆look,睇來呢個trip同陳生真係玩得好盡慶呢 :)

    ReplyDelete
  5. 依家先留意到你寫過北京遊記,正好比我參考下^^,因為我媽咪話想下次叫我同佢去北京玩,老人家鍾意睇古跡~其實去北京最好咩月份去架?呢間酒店睇黎住唔過喎~見你咁彈法~
    p.s:你地件情侶tee好可愛啊。

    ReplyDelete

Translate