October 11, 2013

非禮

在明周的最後一天了。

不捨。

希望有天再重聚......

***

今天我在Facebook也分享了這件事,好想大家知道,保護自己,somehow是自己的職責。

同埋港鐵依舊不知所謂。

女士港鐵遇非禮,犯事者被揭發即逃跑,車廂奇逼,卻無人阻止,好心男大叫欄阻,仍沒人理會,他旋即拉動手掣通知事故,不知是司機無知(發緊呆?!)定控制不了車輛,車門依舊打開,犯事者逃之夭夭(在金鐘站,可想而知),被非禮女子無奈無言,全世界下車後,職員才施施然行抵問發生何事,俾人鬧爆。
件至少彰顯2件事:
1)被非禮者一定要即時大叫非禮,愈大聲愈好,邊追邊叫,人們要知咩事才敢出手,一係就自己即時拉手掣;
2)港鐵賣多點廣告教人拉動手掣吧,許多人知道要通知車長,但不知如何處理那個掣,拉了又聽不到對方說話,或不知向著哪裡對答。(即使那手掣旁有講解,但個刻鬼睇到咁多)

當港鐵non stop叫人要緊握扶手,中英文普通話loop住叫人小心車門,唔該,不如做多點有建設的,不是你一分鐘連說7次叫人小心,到乘客夾到了就一副「我提咗你ga喇」的衰相,港鐵是否有良心,不是靠中英普通話輪住提你小心仆街囉。


要知道,港人不一定冷漠,問題是不知如何處理,而且弄不清事情始末,怕誤了事情,反遭嘲笑,此乃常情。

所以一發生事故,更加不要膽小,不要讓壞人得逞,就大叫出來吧,我相信世上有許多像好心男這樣的好心人。

6 comments:

  1. 其實受害者唔大嗌非禮, 難免外人唔知咩事而袖手旁觀. 真係可惡咁就比個衰人走甩左呢. 比我見到呢D事一定大嗌兼打佢要害, 絕不留手!

    ReplyDelete
  2. 係喎!!! 最嬲係俾佢走甩!我一定會死追住佢!! 女人還是得靠自己保護自己

    ReplyDelete
  3. 報紙話港鐵的非禮案上升了6成, 就是不負責任的員工、乘客同自己"縱容"了他們的惡行...近來搭公共交通工具一定要小心...

    ReplyDelete
  4. 搭地鐵真係要小心。

    俾我係個女仔一定會親手捉佢!! haha

    ReplyDelete
  5. 我讀中學時都試過被非禮,又係金鐘,可幸是有便衣警員在場即時捉到犯人,單靠港鐵真係死得人多!

    ReplyDelete

Translate