August 11, 2010

過大海之搵食篇 I

過大海,老實說,無咩好食。

所謂米芝蓮,除了Robuchon a Galera是值得朝拜,其他都係so so,要食香港都有啦!

至於小食...... 唔...... 去到澳門無o野做,唯有掃下街,搵下D地道/ 出名的食品。

是次最叫難忘的,是大利來豬扒包

豬扒包,在馬交多到不得了,但要找到好吃的不易,大利來是例外,豬扒雖薄,卻煎得鬆而不韌,亦不油膩,一咬即撕得開,好味!

不幸的是這天麵包賣曬,要用多士代替,正擔心水準有失,原來都唔係呀,多士薄而香脆,一樣好味!

(想食到麵包,要3pm來呀~ 不過你要預o左排大隊lor~~)

第二難忘,是香島奶茶。

以為港式奶茶已經無得頂,誰知這家更強,奶茶茶味又濃又香,是否絲襪奶茶就不得而知,但起碼不澀不o鞋口,飲落順喉,奶味十足。

對於愛奶茶的我,簡直飲到有想發瘋gei感覺!

咖啡就..... ok啦,茶餐廳咖啡lor~ 來到還是叫杯熱奶茶+油多,最正!

第三難忘,禮記。

我知,要講佢真係蚊到瞓,因為已經有N咁多人講過喇~ 

只是今次我無再食佢gei三文治雪糕,反而奉獻了我的第一次─吃雪糕磚,所以感覺懶新鮮~~ (哈)

叫了花生味,掂掂掂掂掂!好鬼濃,又唔過甜...... 可惜一個人食唔曬半磅,浪費了......

其實是次過大海,我仲好想試地道的葡國菜,可惜出師不利,最最最地道、曾被飲食男女同事選為米芝蓮2星的亞馬交,爆場;葡國美食中心...... 無開!點會咁ga!!!!(個刻真係癲o左,差D想叫出來!)

我從未試過去澳門食o野要等位,更何況係爆場無位?最慘係,侍應話連等都唔使等,因為全晚都有人book檯,walk-in免問。

(真係好對唔住愛人呀...... 一心想帶佢試,卻落空了......)

Anyway,下次如果大家去開,又想試最好味又最正宗的葡國菜,唔好再去咩船屋、木偶喇,去上面個兩度啦~~ ^^

2 comments:

  1. 我想問 睇你頭條果度既 blog 係唔係好d~?

    ReplyDelete
  2. 我都食過大利來, 都唔錯~~~ 不過我比較有興趣知你想試但試唔到個另外2間葡萄菜jei

    ReplyDelete

Google+ Followers

Translate