Nordic Saturday Brunch

Well，因為Yahoo要摺，搞到我的面書被洗版.......

人人急於開新平台，告知自己身在何地。

其實，我仍在迷茫中。

兩年前，本就有個Blogspot帳戶，但據說它轉移麻煩，所以之後沒再update。

現在....... 都不知還是否沿用好了。

要我這個電腦白癡重新整理，簡直是要了我的命！

希望先由陳生替我備份了Yahoo的東西再算吧。....... 又或者，http://reporterdw.blogspot.hk/ ← 如果大家不幸地在這裡看不到我upload，便嘗試從這網中找我吧~~ 大家不要失散唷~~~）

***

講完，又講食。

剛過去的周末過得豐盛，無論是心靈或身理上，都很飽足。

感激身邊不斷出現一班投契的朋友，我們分享對食的熱愛，對food styling的迷戀，以及對生活品味的追求。

證明其實香港有許多愛吃懂吃兼真正懂得生活的人，只是礙於居所問題而不能肆意享受罷了。

先談周六的下午聚會。

地點是行家G的家，食物也由她一手料理，非常的豐富。

另外有人帶酒、有人帶湯，最特別是請到Reko's Homemade帶來一系列精緻牛角包和卷蛋。

對於現場素有經驗的食友來說，都覺得她的牛角包與卷蛋可是絕不輸給專業酒店級大廚。

牛角包之細膩，那採用了半島也在用的牛油的技術，多麼叫人讚嘆，甚至成了是日的第2個亮點。

那第1個亮點，當然是卷蛋了。

原味，簡單，精細，好吃死了。

蛋糕中的忌廉豐厚有致，吃不出膩，也不會死甜，友人吃不停口，每人嚼了2件，飽得沒話說。

這些聚會令我深明，一場所謂優質餐桌體驗，不獨是食味，更是有可回味的時光。

每次看著這些照片，都慶幸我和他們有這樣的緣份。

至於為何起題作Nordic呢...... 皆因屋主滿有北歐觸覺，將屋企塑造得像北歐的時尚家居罷~~

不是很有型麼？

認真的「利疏多」（附食譜）

前晚參加了陳生表姪女婚宴，勾起了自己大日子的不少點滴，回味在心頭。

記得當晚人家都很悉心打扮，我自然不敢怠慢，四處尋找合適的黑裙子、披肩、cocktail bag。

正所謂愈窮愈見鬼，愈想找偏偏找不到，那就唯有靠朋友了。

身上除了雙鞋，所有都來自朋友的。多謝她們一呼百應，熱烈幫忙，才讓我這夜變得漂亮。

穿起入膊連身裙，看着鏡，10年前愛蒲愛玩的時光闖進心屝，原來我很久沒穿得這樣性感（性感位被蓋住啦~~
免得陳生鬧爆~~ :p），很久沒踏上高跟鞋了，不得不自戀地讚自己：30歲，還好。（笑）

******

都說自己煮西菜較了得，見早前在Rachel Yau處買了一包意大利米，這夜就煮它一煮，看真正用上意大利米是否如此難擋！（我之前都是偷雞用日本米代替，嘻）

但事實是，只要你有時間，願花心機，煮risotto真確不難。

步驟也簡單得要命──

下油。放洋蔥炒。倒意國米。灑巴鹽。下蘑菇。炒。注白酒（剛剛未蓋過米）。索得所餘無幾。下熱上湯一大勺。攪。見吸到差不多。再倒一大勺上湯。再攪。重覆。試味。覺口感到位。放牛油。下巴馬臣芝士碎。攪。上檯。

這是按Jamie
Oliver來做，連他都說，你是沒想過的要下這麼多上湯，像我，兩碗意大利米，下了近一大包雞湯耶，誇張不？

牛油、芝士，都很隨意，芝士我下了很多，這樣才黏稠口感好而香馥。

臨吃前，才灑少許芝士，大飽口福。

陳生吃得津津有味，說口感比用日本米好多了。

對呢。

基本上，煮來意大利飯後，可以另加番茄仔、青豆等做成不同口味的意大利飯。

很隨意。

** 記得，意大利米不用洗唷~~~
** 意國人教過，蘑菇都是胡亂的切才夠風味~~~
** 巴馬臣芝士，我愛到超市買一大件自己刨，香味好得多~~~

零難度！火雞墨西哥餡餅（附食譜）

星期日，悶悶地，食乜好，諗唔到，結果又，煮飯囉！

問題係，煮乜好，簡單D...... 墨西哥餅！

（哈哈，Sorry，諗唔到3個字的term喇已經~~~~ ←白癡~）

這個墨西哥餅很易做，除了牛油果，基本上到百佳已能買齊所有材料。（百佳的牛油果很生，不及city'super完熟好吃~）

雖然下了很多芝士，但因為是墨西哥式芝士（Monterey Jack + Cheddar Cheese），味不會太濃，多吃也不覺膩，當小吃不錯。



火雞墨西哥餡餅

材料：
墨西哥餅 2塊
Mexican Cheese 隨喜好
火雞片 3-4塊（視乎墨西哥餅 / 火雞片大小）
黃色燈籠椒 半個（切粒）
大洋蔥 半個 （切粒）

牛油果醬材料：
牛油果 2個
洋蔥粒 少量
番茄 1小個（其實分量都可以隨意的，我就不太喜歡番茄~~~）

做法：
1. 黃色燈籠椒、洋蔥、番茄切粒備用；
2. 先做醬：牛油果起肉放到碗中，用匙羹攪拌成醬，下少量洋蔥粒和番茄粒，一起拌勻，放少量鹽調味
； 
3. 到做餅：下少許油，炒香黃色燈籠椒粒和洋蔥粒，盛起
； 
4. 拎出墨西哥餅鋪平，先將Mexican Cheese鋪滿餅面；
5. 然後順序鋪上火雞片和之前炒香的黃色燈籠椒及洋蔥，再略灑Mexican Cheese，鋪上另一片墨西哥餅； 

6. 另開煎pan，中火，白鑊下墨西哥餅；（←小心D餡跌出來~）
7. 煎一邊將3、4分鐘再翻到另一邊，煎完即成！

簡單美味又一餐。

** 多謝Henry教路。

簡單至極麻油雞（附食譜）

辭了職，等開新工，終於有多點時間下廚。

雖煮飯不精，但仍然樂在其中，原因也許是那份滿足感，特別是煮得超好吃時，亦也許看到陳生快樂的樣子，二人倆，不能時時出街吃唷~

一直很喜歡看松露玫瑰的Blog，因為她拍的照好看，做的菜吸引，好些食譜也不太難，卻很上得大檯。

像是夜這道麻油雞，真的簡單到不行。

麻油雞食譜（摘自松露玫瑰）

材料：
蔬菜油1大匙
棒棒雞腿8隻 (我臨急臨忙買不到，就只買來雞上髀，賣相差人一倍呀~ 而份量則自行按人數加減唷~~）
麻油100毫升
(又係太臨時煮飯之故，都醒不起麻油不夠用了~）
薑100公克
月桂冠1000毫升** (可用米酒取代)

1. 取可進烤箱厚底鍋，以大火加熱蔬菜油，將雞腿表面煎上色，分批煎，不要擠在一起。
2. 轉小火，加入麻油和薑，稍微攪拌，讓雞腿表面沾滿麻油，燒熱後，轉大火，加入酒煮開，續煮10分鐘，或至酒精味揮發，送入預熱過的烤箱，蓋鍋，150度烤1小時。

可能因為唔夠麻油呀，味道不夠；

加上中途不知為何爆起油來，被熱油濺眼，真的快瘋了~!! 不知是否自己煮時出了什麼問題呢~ 

但皮倒是很脆，很香，雞的軟滑度也剛好的，自己很喜歡。

今天空閒，還摘下了幾個食譜，希望往後有更多時間嘗試，食得開心~~

下次要挑戰紅酒鴨腿 / 油封鴨腿，意外地，將會有大廚教授呢，超緊張的！

** 睇松露玫瑰的食譜睇得起勁，好想快快去買多幾本食譜去！

小學雞派對

等了好久的小學雞大派對，前晚終於順利舉行！！！



所謂小學雞，其實係D食物~~ 大都是小學時代開派對（或被逼join學校派對）時會吃到的；我們十幾位朋友一人整一樣，然後各自帶來開懷大吃！

最經典，菠蘿腸仔，亦係各位朋友爭住整的。另外就有椰絲啫喱啦、沙律啦、迷你熱夠啦、咖喱魚蛋豬皮啦~~









以下是老友幫其他老友買來的，個個都為它著迷，因為它實在太香太香！$5x，sogo有售~~



我自己整的唔算小學雞，因為實在已經諗唔到有咩係小學派對會食~ 而且驚食唔飽，見自己主場，就整埋黑松露忌廉意粉、燒雞芝士烤法包、瑞士汁雞亦同印度咖喱+naan bread啦~~ （其實一共6支紅酒都已經唔小學啦，哈哈~~）

其實食乜都唔重要，最緊要見到一班老友，有一些好久沒見的朋友，多謝你們咁俾心機參與！

是夜招呼唔到，希望大家玩得開心又盡興啦！

自己煮 - 超滑蒸水蛋

因為減肥，好耐無煮飯了。

不過呢晚見陳生感冒唔舒服，原定拍拖的計劃取消了，又想不到吃什麼，於是我便下廚啦~~ 

是日做了蒸水蛋、清湯雜菜燴肉、番茄辣雞同埋有個無洋蔥gei洋蔥炒牛肉...... 因為炒好了洋蔥那隻碟被我跌了落地，碟碎了，洋蔥都無埋...... 冏"

不過個蒸水蛋真係令人好滿意呀！

多得米芝蓮一星餐廳海景軒總廚梁師傅教導，今次終於成功喇！

唔單止滑，質感仲好似燉蛋咁，完全無起泡泡，食完超易洗！同個清湯雜菜燴肉一樣咁好食呀！

一放上facebook，已經好多朋友仔問我點整喇，咁我o向呢度公諸同好啦~

材料：

3隻蛋

雞湯（跟蛋汁同等份量；亦可加水，但要自行放鹽調味啊~）

做法：

發好蛋後，倒進雞湯同打勻；然後過篩倒入碟中；
包好保鮮紙 (防倒汗水），待水滾放入蒸煮，下蓋蒸7-8分鐘；
當中打開蓋2、3次就成功喇~~

P.S. 最好用較薄身的碟~ 過篩可以去除發唔到的jelly狀蛋白~~

第一次... 為甜品排隊

自問高「鬥」，要我為食一餐而排隊，我會寧願食麥當勞！

奈何來到甜品貧乏的尖沙咀區，甜蜜蜜、sugar定不入選、大良八記又非首選之際，唯有向五代同糖低頭。（所以我一早都話o係尖咀開甜品店ga啦！）

店子好細，得十多個位，要等位gei機率都幾高~~

不過試過，又唔認為佢值得人等。像呢晚，就吃了個招牌菜心太軟+雲呢拿雪糕 $48。

雪糕個味好怪，有d雲呢拿籽，但明顯佢唔係movenpick，顏色似dreyers，但味道亦不似...... 唔通自家製？我諗佢都無咁gei心~~ Anyway，怪！

心太軟，ok啦~ 一切開d朱古力漿係咁流，可可味一般，但整體是合格的。

我仲吃了榴槤雪花冰。驚！個冰塌塌地，搞到口感有d漿，真係有d似榴槤肉。

榴槤味ok啦，加o左煉奶就好味D~~

諗來諗去，其實呢間o野之所以咁多人，原因不離新，貪新忘舊嘛~ 其次係佢有好多新式熱o野，如玉桂香蕉脆脆、北海道牛乳椰皇、梳乎厘、蘋果脆脆等。

另外d凍品名字亦吸引，像益力多奶凍、雞蛋布丁等~~

只要唔抱期望，佢都可接受gei。

五代同糖

尖沙咀加拿分道25-31號國際商業信貨銀行大廈地下8號舖

2723 3383

自己整 - 海棉蛋糕

上次整o左個海棉蛋糕，麻麻o地，結果要實d現成蛋糕，務求唔會太難食~~

屢敗屢戰，今次成功喇！

個樣係唔靚仔，但好棉，好鬆，食落仲好有蛋味~~~

呵呵呵呵~

好開心。

媽咪話：你咁鍾意食呢d蛋糕，以後都唔食買啦！

自己煮 - 星星番茄湯

好一段日子沒和他煮飯了~

平日每逢周五、六，和他都不想擠在狹極的街上，那我們便愛在家中煮飯仔、看DVD。

適逢我今晚要做採訪，沒法煮飯，見他心情即顯失落，那唯有昨晚一放工便買菜去！

這是我的星星番茄湯~ 雖然只是罐頭，但這品牌的出品很滑、很香（忘了影相... SORRY~），好好味~ 喝時最好下些忌廉，攪拌來飲，更滑了~ 最搞笑是他幫我點了很多「星星」，哈~

這是他的肥仔番茄湯~ 成個有好肥下巴gei肥仔咁~~ 嘻嘻~

無無聊聊，在前日的素食館中想起了要做這菜式─白汁蘑菇年糕。但略嫌唔夠香......

究竟白汁係點整？點解整極都唔似出面食到gei味道？

他未食過我整的滷水雞翼~ 故是夜再整，哈哈~ 真是很慳水慳力的一款菜。

秀珍菇炒豆角..... 未排好就影相！癲了！搞到成堆o野咁......

煮完，老實說，又累又辛苦。

不過坐在家中吃飯，感覺始終比在外吃得輕鬆自在。所以辛苦也值得，仲可順便磨練煮藝tim~~

自己煮- 星期二的午餐

食了幾日canteen，同事開始忍唔住問：做乜你又唔帶飯~

查實每日放工返屋企煮飯係好辛苦ga~ 加上呢幾晚都出了街，仲邊有時間買菜做飯？

Anyway~~ 對於好易搞gei燒味飯都搞得咁難食gei canteen，終於叫人頂唔順，都係自己煮。

老實講，自己煮唔見得水準好好多，but at least我食得甘心。呵~~

是日午餐係...... 滷水雞翼+白汁蘑菇燴西蘭花+飯~~ 

最鬼衰唔記得買牛奶，如果唔係個菜會好食D！