November 8, 2011

小學雞派對

等了好久的小學雞大派對,前晚終於順利舉行!!!



所謂小學雞,其實係D食物~~ 大都是小學時代開派對(或被逼join學校派對)時會吃到的;我們十幾位朋友一人整一樣,然後各自帶來開懷大吃!

最經典,菠蘿腸仔,亦係各位朋友爭住整的。另外就有椰絲啫喱啦、沙律啦、迷你熱夠啦、咖喱魚蛋豬皮啦~~









以下是老友幫其他老友買來的,個個都為它著迷,因為它實在太香太香!$5x,sogo有售~~



我自己整的唔算小學雞,因為實在已經諗唔到有咩係小學派對會食~ 而且驚食唔飽,見自己主場,就整埋黑松露忌廉意粉、燒雞芝士烤法包、瑞士汁雞亦同印度咖喱+naan bread啦~~ (其實一共6支紅酒都已經唔小學啦,哈哈~~)

其實食乜都唔重要,最緊要見到一班老友,有一些好久沒見的朋友,多謝你們咁俾心機參與!

是夜招呼唔到,希望大家玩得開心又盡興啦!

4 comments:

  1. 同一大班老友飲飲食食係最最最開心!!!!!! yeah!!

    ReplyDelete
  2. wow~~~~ So happy呀!!!!!!! 食咩真係唔緊要, 最緊要係一班老友一齊嘻嘻哈哈!!!!!!!

    ReplyDelete
  3. Daphne, 又要搵你攞意見呀, 我pre-wedding 想影高同密既樹再加水, 仲要就攝影師要揸車, 原本一心打算去城門水塘, 點知攞唔倒permit, 依家頭都大埋, 上網搵只係搵到南生圍俾倒類似既景, 但咁遠, 去完果度都去唔倒第二個景了~ 攝影師提議我地去西頁三育影紅屋, 之後去石澳影水, 再去高街影夜景, 不過咁就冇左我想要既高樹, 得番d水.......你可以俾d意見我嗎?

    ReplyDelete
  4. 我會第一時間諗起滷水雞翼.... 之後仲有.....什果賓治, 嘻嘻~~!!

    ReplyDelete

Translate