所謂公關

有同事老是話我講電話時很不客氣，特別是對公關們。

 

我從不否認自己說話無尾音，時而火氣大，沒耐性，但個人也當過公關，知道作為一位有誠意或善意或有禮或盡責的公關應當是一個什麼模樣。

 

至少，對方打來不會向我介紹某某品牌梳法找了某某星級代言人，更不會告訴我某某商場展出了某某畫家展覽，大佬，我是飲食記者呀，你究竟知否自己打了給誰！

 

知道自己應該打給誰，也應知道自己在找什麼類型的雜誌，致電來叫我刊登某某品牌的大抽獎、某某公司的減價優惠，唔該，我們向來無news版面，你可知道？同埋當我們連buffet都不能寫時，又怎能介紹你們所謂的大著數？！（老闆最看不起人家吃buffet，常常說質素低，氛圍差，不是一個美食家會選吃的貨色！所以我經常被她鄙視~ 哈~）

 

Plus，明知記者隨時隨刻都在做訪問，那打來後可否先問我得唔得閒，而唔好一輪咀說自己的promotion？最重要是他們每次的炮轟式講話，令我先聽唔到他們是誰、屬哪間公司，更枉論說話內容了！

 

最最最憤怒係連我個名都讀錯！Daphne讀 “嗲‧焚‧Li”，而唔係stephanie、”嗲fin”或者誇張到讀o左做海豚dolphin囉！！唔識讀唔緊要，叫我一聲胡小姐沒人怪你，但讀錯人名就是令人吃不消！

 

老土在，自說自話的公關講完一輪後，竟然問我：「咁幾時可以出？」阿小姐/ 先生，乜我實出ga咩？可唔可以俾我考慮下同睇下有無版位先呢？

 

我自問認真，對自己、對別人亦然，所以，有時咆哮他們也不完全是我的脾性之過呀！（though我承認有時真係自己燥啦~ 當你極忙時要接十個公關電話，係難避免些…… :p）

 

不吐不快，吐完……爽矣。