意菜中的舒適

在I-square有個奇怪的現象：店舖好多，但其實無咩行；餐廳亦不少，但感覺無一間吸引。

唔知呢，可能我覺得過分堆砌，餐廳分佈散亂，所以...... 

Anyway，我仍然盤住乜都未試過就應該去試的心態，幫襯了Carpaccio。

幫襯她，因為夠casual。是日我跟新朋友第一次出來吃飯，想找個輕鬆點的，這裡最適合不過，而食物又不會太失禮。

走意式風格的Carpaccio，其實幾舒服，裝潢搭配是我喜歡的綠啡白，感覺就是簡潔不錯。

食物...... 如常，cold cut冷盤pizza意粉意大利飯。

水準...... 有好有不好，有彈有讚。

送來的麵包冷、硬、無味；

Parma ham鹹香不遞，明顯熟成期短，哈蜜瓜亦略嫌生；

煮青口，可接受，不過頭兩隻吃到沙；

四式芝士薄餅，如果可以再薄一點，邊皮再做得脆一點，我會有10個like！因為芝士真的很足料，亦吃得出層次。

oh...... 吃不下了。

新朋友胃口小，我不敢再叫，但如果可以，真想試她的意粉、生牛肉片和risotto，睇下她其他功架如何。

不過聽《飲食》的同事講，她們的鮮意粉不是手製，不算十分出色；

咁即係...... 呢間餐廳值唔值得試？

值得。正如前文所說，飲食有時是一種經驗，良好的服務態度，舒適的用餐環境，美好的氣氛，比食物之味更重要。加上有很好的新朋友在側，一切都加分了。

價錢不算貴，每人約$250罷了。

差點忘了說，只要不點creme brulee，你都應該喜歡這裡。

Carpaccio

尖沙咀iSQUARE 3樓307號鋪

2328 5202