一億

一億落空，但倒是一場不錯的夢。

廿八歲都來了，仍然未幫襯過投注站，是次一億美夢雖未至於令我奉獻第一次，但卻是第一次令我發這樣的白日夢：

如果我有一億，我會點用？

聽過好多同事發表偉論，有人說要全部放進銀行、有人說要投資、有人說要買三層樓，一層留俾子女，一層自住，另一層等收租......

我呢？

唔...... 首先我要諗諗點樣保守呢個秘密。

除了媽咪和陳生，相信我不會再給第4個人知；

之後係捐三份一去慈善機構，咪以為我是超好人，我只認為難得橫財點都要做福社會才能有命享啊~~

再之後，應該不離買樓吧。自己住家普普通通的，但就買兩家很豪華的租予別人，等其升值；

再再之後，會投放到婚禮上。

到時可以唔使再做research，立時飛去西太后總店，叫佢度身訂造一套婚紗！

由頭飾、香水、首飾到鞋，都要是西太后手筆。

除了戒指，我要卡地亞。

......

人，有時是愛發夢的動物。

但難得有閒情逸緻胡思亂想氹自己開心，也是滋潤生活的樂事。