May 3, 2011

新人們:小心自助餐婚宴收費

今日睇蘋果日報見到有關報導,在此希望各位萬事小心,對數目、收費等睇緊一點,以免破財啊。

http://hk.apple.nextmedia.com/template/apple/art_main.php?iss_id=20110503&sec_id=4104&subsec_id=2753&art_id=15218751

自助餐宴客 計人頭收費
婚宴公司疑報大數呃新人

越來越多新人選擇西式自助餐婚宴,有新婚夫婦在付款後核對來賓出席名單,發現人數與婚宴公司所計算不符,質疑對方「報大數」。有婚禮顧問提醒,西式婚宴與中式婚宴的計算人數方法不同,就出席人數發生爭拗時有發生,此外計算酒水方式也應格外留神,以免出現爭拗,令開心回憶留下污點。

葛小姐及其新婚丈夫透過一間婚宴公司舉辦婚禮及自助餐晚宴,晚宴以「計人頭」方式收費,每位連酒水約 338元。葛小姐表示,事前與婚宴公司商討後,確認最少預訂 85位,如來賓人數多於此數,則以每位額外付 338元計算。「當日賓客走晒,職員先向我老公遞上單據,話點算後有 104名賓客,我老公未有為意碌卡找數」。

否認點算出錯拒絕退款

惟二人回家後查看賓客出席名單,發現只有 89人到場,與職員報稱的 104人不符金額相差約 5,000元,遂要求婚宴公司退回差額,惟獲覆當日職員曾三次點算來賓人數,不會有錯,拒絕退款。葛小姐深感不忿,遂向消委會及本報投訴。

涉事婚宴公司回應本報查詢時表示,事前經新人確定婚宴當日最少有 85人出席,最多約 110人,故要求新人先支付 85人定金,當日也擺設了八張長枱及 110人的座位,每張長枱均有指定職員負責招呼及點算人數,最後計算出有 104人到場,收取費用時新人未有異議。

婚禮顧問歐惠芳表示,現時西式自助餐婚宴越趨普及,不時聽到有新人就「數人頭」問題與婚宴公司產生爭拗。她指出,西式自助餐婚宴與中式婚宴的計算方法不同,中式多數以 12人為「一圍枱」,以枱數計算,西式自助餐則以「人頭」逐個計算。「其實最好就係喺婚宴進行期間,新人親友同公司各派出代表同時點算人數,就可以避免爭拗」。

歐又提醒,無論中式或西式婚宴,也應事先與婚宴公司或酒樓商議清楚收費計算方法,例如多少歲的小孩才當一人計算,以及工作人員是否包括在內等。
酒水收費方式宜先商定

此外,如婚宴套餐不是「任飲」,也要多加注意,「宴會中賓客飲咗幾多杯,事後真係好難核對,最緊要係事前要同婚宴公司講清楚。傳聞有客人喺某酒店擺酒,酒水逐杯計算,最後淨係酒水錢都要成十幾萬。結婚係人生大事,如果因為呢啲爭拗搞到唔開心就好唔抵」。

3 comments:

  1. Buffet真係要搵親戚朋友幫手計人頭,同經理一齊計!...酒水十幾萬?!有d誇!

    我都諗緊訂幾多紅酒,因hotel只包soft drink, orange and beer! 通常一圍預幾多支呢? Daphne, 有冇咩建議? ^^

    ReplyDelete
  2. Patrick本身package包MUA$5888,40張retouch save in DVD!我話可能自己帶MUA,咁可以扣$1000!不過由於佢地係freelance,本身有正職,所以只限六or日or公眾假期影!如果平日影要加錢!無錯!要自己租衫同自己俾埋所有人既transport fee!佢地話基本上全部相都會執,如果想加相$100/pc,想拎唒所有相就$2500!雖然好多野無provide,e.g.Album...但依d拎出去整幾百蚊都有!衫就好多新娘上淘寶買,3,4百蚊已有一套靚靚可著去影相!當然如果厭煩就真係要搵大公司or full time photography!如果你有興趣都可send email俾佢地,$5888只去到5月尾,我估6月佢會加價

    ReplyDelete
  3. 嘩! 好快手呀! 多謝妳! 當年爸爸媽媽都係芝柏影pre-wedding, haha! 我都好想搵patrick影, 但首先要說服男朋友! > <

    ReplyDelete

Translate