December 10, 2010

我為明閣狂

究竟我是為何受不住誘惑而破戒呢......

除了因為要去一個media wine lunch,亦因為餐廳是明閣。貴為二星中菜廳,她的出品一向有質素,只是想不到水準愈來愈好,特別是在我「禁食」期間遇上,更是難得滋味,不難忍口才怪!

睇下下面menu...... 一睇已經覺得好"賴o野"。小籠包、燒腩肉、炸子雞、燒鵝...... 全是明閣名菜。天呀!!

第一道:點心。大家見到除了蝦餃爆o左令我有d失望,個件小籠包真係唔講得笑,內裡的肉汁多到一咬即時爆出,射到我成手都係,好尷尬!

配的是法國pinot gris,它很大路,acidity偏高,基本上襯成個menu任何一道菜都ok,但跟菜類是絕配,吃一口喫一啖,有陣很清新的感覺。

生蝦炒蛋白,超好食!蛋白滑溜,連蝦和紫蘇葉吃,再襯一口下面的pinot blanc,嘩~ 感覺很round,很滑口,佳配again~~

燒腩肉,致命!但真的好吃到不得了!皮激脆,又香,真真正正五層肥瘦肉,我忍得住只吃了2件已叫好叻。

炸子雞...... 點解連個胸肉都咁滑,皮可以咁脆?(每次來必點!)

燒鵝,同樣嫩,具肉鮮,皮是油潤帶香,也難忍不吃啊......



最後一道是黑松露南瓜炒和牛。和牛,大忌也;炒之更忌,不過我還是徹底地消耗掉,因為實在太香太香!

講完一輪有幾好食,但無端端明閣點會搞個wine lunch呢?

其實係因為明閣早幾個月前開了一個wine cellar,並請來Sommelier主理,精選多款佳釀之餘,也教客人洋酒與中菜之間的搭配。值得一讚是那品酒師極度專業,知識範疇豐富,健談非常,講解有理,令一向不多愛中菜配洋酒的我也嘆為觀止。

愛酒之士,這裡會給你滿足。


明閣

旺角上海街555號朗豪酒店6樓

3552 3300

3 comments:

  1. 我都鐘意去明閣飲茶架 之前同爸爸媽媽去唐閣晚飯返而覺得有d失望。

    ReplyDelete
  2. juz wanna share w/u .... i have joined one and a half month lose weight programma in Eylze ( Hv u heard that company? ) Which cost around $4000 ( include Dietian to follow our diet with treatment ) Haha....i fely so fool after joined , coz i already spent a lot be4 ! Anyways... work hard on it !! ^^

    ReplyDelete
  3. 平時 lunch 已經好掂,呢 d promotional 既 tasting lunch 簡直

    ReplyDelete

Translate