真係好得煲仔飯

我講過，星期六一定要食到四季煲仔飯，結果，一不做二不休，趁佢5pm開舖時就去，點知......都係要排隊！（好彩有陳生陪我~）

癲！！！

搭正5pm，進舖。

 已經坐到半成滿~

D人諗到唔使諗，「唔該滑雞煲！」、「臘腸煲呀老細！」，我就點北菇滑雞煲，陳生就要臘腸雞煲。

講真，我覺得個煲真係好食！

個飯，雖然無乜飯香，但飯粒粒分明，飯焦仲好易刮出，入口不過硬，帶點軟、又帶焦香，好味呀！雞肉，唔會係新鮮，不過好足料，鋪到滿一滿，沒有雪味，滑呀~（講真，廿幾蚊你想點！）

 另外叫了炒菜~

我偷偷走去隔離舖位睇佢做煲仔飯，用炭爐的，老細一見我即刻縐眉。

「老細，又係我明周記者呀~~」

佢已經想走開唔理我，於是我都係咁發問：究竟你用咩米？究竟用咩米先好食？點解你唔全程用炭爐？全程用炭爐個味係咪好D......

我feel佢已經想死，但佢仍然好patience咁逐一解答。

半句鐘後，吃完，點都要走人，但我心裡仲有成千個問號，同埋，我真係好希望佢願意同我做訪問......

結果，我非常厚面皮。再走去求佢。

「老細，你俾我訪問啦。」「哎呀，你訪問第二個啦~」「只有你先答到我呢d問題ga咋！」「我地廟街個個都係咁做啦，有邊個答你唔到！」「但佢地以為我可以幫手宣傳，其實我不想幫人宣傳，而是想宣揚這種煲仔飯的文化呢！而只有你，才可以告訴我為何以前的煲仔飯這麼香，連揀粒咩米都有講究！」「但我真係好忙......」「無論你幾點我都可以就你ga！」「唉...... 好啦，我逢3:30pm就已經在店，較方便。」「咁我到時再來打搞你啦！多謝老闆！」

就係咁，我就笑住咁跑去攬住陳生，好開心好開心我終於成功求到老闆做訪問！呵呵呵呵~

你話我賴又好，搵來講都好，陳生真係俾到幸運我，基本上每次約訪問時出什麼問題，他一在身旁，一切都變得順利...... 多謝你，給了我第二份最好的新年禮物。

四季煲仔飯

油麻地鴉打街 ** 無電話，5pm開，6pm後已要排隊，大家要有心理準備。