August 4, 2011

聞名不如見面

相信大家對《為食總師令》裡面的幟哥唔會陌生,唔知大家對佢有咩感覺?

我就覺得,雖然他是飲食娛樂節目主持人,但感覺疏離,縱有高海寧與陳庭欣在旁搞氣氛,依然難有親民感。

是次做XO醬,終於親證我的感覺。

一見面,先握手。

幟哥笑容生硬,尚算親切,但我一開口已感壓力。

我:「幟哥,咁我o地開始喇。」

幟哥:「開始,好呀,你想知d咩?」

我只問了一條問題,就是「XO醬聽聞係你發明,請問如何構思出來」。

於是他便一口氣由構思起因、過程到選料、做法說出。

幟哥:「講曬喇喎,仲有咩問?」

我:「......」

無可否認,他是直接了當的人,做事爽快,但,是太「趕時間」嗎?(的確,來時有一班tvb人員和藝人,做完訪問又有另一班來訪...... 出名的人特別忙。)

做訪問,交流很重要,否則很難inspire寫作。

By the way,證實了我的感覺是真的,節目也真要感謝有兩位港姐助陣先無咁dry。有時見朋友鬧爆二人低智,經常問埋d無聊問題,honestly,如果無她們不斷講o野,成輯節目好容易有dead air~(真正死死氣無活力個皇~)

不過有一點倒值得欣賞,剛才也說過了,就是幟哥的爽快。

他做了一道白烚瀨尿蝦配XO醬給影相用,待解釋完創作理念後,隨即叫人做第二道新鮮的給我試,證明幟哥很了解我的工種,明白試味的重要性。

不吝嗇(至少對記者),也是一個餐廳老闆應有的氣度。

這點,不錯。

5 comments:

  1. 實情我比較喜歡黃麗梅帶當時還在利苑做的他,現時他帶的是老闆的霸氣.難聽啲''大支嘢''

    ReplyDelete
  2. 我都覺佢做主持幾cool~ 同高海寧特別嗒糖. 否則真係幾串咀~ 但我parents好buy佢, 可能係因為佢真係正正經經介紹食才.

    ReplyDelete
  3. 我覺得你好勁呀, 有個句講個句, 依家好多blogger成日怕得罪人講咩都就住就住, 但唔通連喺自己個blog發表自己既意見都唔得咩!

    ReplyDelete
  4. 我又睇唔出佢咁cool @ @" 但我就睇過佢在亞視時, 一路講野做節目, 對幾位身旁嘅不知名女主持, 講野有d唔耐煩= ="

    ReplyDelete
  5. 好多時藝人或明星在電視前後都係兩種人... 我諗佢可以答到俾你知相信已是好俾面. 下次或者用錄音機錄下佢講過的嘢 (定係你已有咁做呢?)

    ReplyDelete

Translate