曾經有間日本料理餐廳，名禮鮨，最近搬遷了，改名禮。以前只做壽司料理，新店加入埋鐵板燒。
我沒興趣深究她為何叫禮，但對於店內的環境，倒期待看看，因為處ifc的海景位，落地玻璃，邊吃鐵板燒、壽司，邊嘆之，幾輕鬆。
餐廳設計不俗，樓底高，位子闊，坐得舒適。
一味講裝修，因為食物平平，鐵板燒老掉牙sell正宗，sell和牛海鮮，坐在爐前，由經驗老師傅為客人即席炮製。
個人認為這非享受，因師傅不停耍手藝，將手上的鐵鏟擦來擦去，「清清餐餐」好嘈！
同埋睇住龍蝦俾人生煎+爭扎個樣...... 正所謂「見其生，不忍見其死，聞其聲，不忍食其肉，是以君子遠庖廚也」，睇住生物被折磨，有咩好享受？
壽司... 沒特別叫觸動的，款式大路，唔會食到你痾，只因格局將出品和價錢推到高檔上，又一間大飲食集團帶來的搵錢工具。
龍蝦湯點解無龍蝦鮮、龍蝦甜？我覺得似飲緊味噌湯多d~~
不過大時大節為著唔使逼住來睇煙花，book這裡都唔錯。
禮
地址：中環港景街1號國際金融中心商場2樓2076號舖
電話 : 3188 1900
No comments:
Post a Comment