July 3, 2011

TF3

今晚睇了Transformers 3,感覺比第二集好呢~~

**本blog含少量劇透,不喜勿看。**

說到尾,還是最愛看博派變身的一刻,雖然今集依然無好似第一集咁有慢鏡變身,配樂亦沒第一集做得好,不過總體是比上一集好,中間有d笑位,也甚緊湊,新角沒有過多,好容易消化,博派變身亦無第二集咁快,可以細心欣賞。

而我其中喜歡的,是軍隊著"飛行衣"跳傘的一幕,感覺逼真;後尾睇返資料,原來這幕真的不是靠特技,而是由專業飛行衣跳傘員,於芝加哥市中心真人拍攝,難怪更刺激。

不過人體飛行竟然勝過機器,有點奇怪。(狂派飛飛下竟然撞落建築物度~~)

{#5.jpg}

另一叫好看的,是其他忠角都各有睇頭,看它們在大馬路上追截狂派的一幕,大快人心。

而柯柏文師傅御天敵的出現(奸角)都有驚喜。

不過,3D版始終有點搵笨,整套戲無乜立體視效,而且因為畫面太亂,太多破壞性場面,睇到有D眼花。

Plus有D唔明麥加登點解會廢得咁緊要(突然間個隻),一下就比柯柏文KO了...... 

亦唔明點解個支能量柱的物體一唔connect,會所有狂派戰機墜落...... 

By the way,who cares? 簡單娛興片一套,別認真。況且我幾鍾意新女角Rosie Huntington-Whiteley多過Megan Fox,胸部沒後者大,但感覺smart及sexy有餘。^^ 

好看,只因沒期望。甚至我曾睇死,TF3會比TF2更悶。

幸好,不過不失。

1 comment:

  1. 我有朋友睇完, 話勁悶, 但我已買飛, 不過睇完之後, 出奇地覺得都唔差, 因為無期望TOO! 不過真係好睇過第二集, 但我都係好鐘意睇佢地變型, 同埋D特枝...LIKE! 但就唔LIKE條女...明明佢以前咁鐘意...而家又講到好鐘意LI講, 唔得囉.

    ReplyDelete

Translate