December 12, 2010

豉油扒房

作為飲食記者去食豉油餐廳,會被罵的!

之所以咁講,係因為我同一位自命好識食gei人傾開偈,說我去了邊間邊間餐廳鋸扒,即換來被卑視眼神,「用梳打粉o拿gei肉你都食?你係咪飲食記者o黎ga?」

係,鬼唔知佢地d扒無watermark咁有得揀dry aged,鬼唔知佢地d扒唔似bistecca咁有陣炭香咩!一分錢一分貨吧~ 何況吃豉油餐廳是兒時回憶,誰說愛吃的人一定只在乎食味?

唔理咁多。呢日我便同老朋友再去食豉油餐廳。不過這家對我來說是頗陌生的,次次行過門口都覺得好吊詭,見到門面唔敢入。

但入到去,感覺又幾好;至少服務好,個個超中年男人好有禮貌,落完order仲要唔該我,好搞笑。同埋價錢真的平,$6x有份牛柳包飲品,加$2仲有飯tim,哈~ 真係平到笑。

「我是牛柳。」幾大塊,雖然同金雀一樣o拿到不似扒型,不過無論texture同肉味都唔及金雀好。但我幾鍾意呢塊牛形鐵板和d薯條...... 雖然我一條都無食。

呢兜湯,好經典,好似用粉開出來的忌廉湯,哈哈~ 最搞笑係,搞落底,會有一大件番茄...... 做乜白湯會有番茄?唔知,但直覺話俾我知呢堆番茄肉係後加的,等客人感覺上足料d~

雖然整體質素麻麻,但我食得幾開心,可能因為減緊肥要控制食量,所以我寧舍珍惜。又或者係,我對於豉油餐廳情有獨鍾,始終兒時第一次鋸扒及無錢時鋸扒,都係由呢d餐廳帶俾我食肉的快感啊~~ ^^


金鳳大餐廳

灣仔謝斐道415 - 421號

2891 6832

1 comment:

  1. 我成日經過太子果間金鳳成日都好鬼多人排隊架,雖然我無去過,不過食味就應該麻麻地。我認同你話齋係食回憶,大部分回憶都係美好的,所以食的開心就好啦

    ReplyDelete

Translate