Taste the Tuscany

看過很多遍有關托斯卡尼的旅遊食稿後，總覺得上帝對這個地方情有獨鍾，否則怎會讓她長年有着肥沃土地、優良氣候，令種出來的瓜瓜菜菜都肥大鮮美？

可能因為咁，據講當地廚子都通常以簡單的烹調方法，以吃出天然食材的原味，這家Bella Vita算是頗地道的好選擇。

主打托斯卡尼菜的Bella Vita，由托斯卡尼人Franceso主理，當中不乏選用海鮮、野豬火腿、自製意粉、橄欖油等意大利中部傳統食材，但，還帶來驚喜。

大廚Franceso，高大有型，說話仲出奇地溫柔~

大廚將菜式做到猶如法國菜般精緻，跟托斯卡尼當地那種不苟小節的豪邁手法截然不同。吃法也有點新穎，如將傳統的醃製鱈魚塊壓成肉碎來伴辣椒多士吃，又或將地道的番茄濃湯演變成番茄啫喱配mozzerella mousse。

不過也有些傳統的。（我始終追捧地道o野啦~）

像這款Cinta火腿（未定價），是當地特產，色澤特別紅潤吸引，油香豐腴，比黑胡椒香腸、Capcollo火腿等cold cut好吃得多。

紅蝦番茄意大利麵 $480

意粉是自家製，非常al dente，難得在他按當地做法加了大量橄欖油也不覺膩，入口清爽煙韌，不錯。

豬腩仔豬柳拼松露薯仔 $320

用西班牙黑毛豬，裹上pancetta，後者略鹹，蓋過了黑毛豬的肉鮮，不過大廚說這是家鄉做法~~ 都不尤得你愛或不愛了~

黑椒燒八爪魚拼青蘋果 $198

極好吃！用傳統家鄉手法烹之：先用橄欖油猛火快煮，再用低溫慢煮45分鐘，吃時像不需用力就能用刀將之切開，鮮嫩啊~~

但其實整體好唔好食呢...... 我只可以答，味道上唔係太surprised，你唔會覺得想一試再試~ 但若果你想試一口清淡的意國菜，她會是good choice。

Bella Vita

銅鑼灣開平道1號Cubus11樓

2577 0699