November 14, 2011

好吃的鹽焗雞

今次生記食飯是個特別體驗,因為和我同檯的有劉千石先生(下簡稱阿石),知道他抱恙,仍願意出席替我做咕嚕肉的訪問,實在感激,特此要再在此多謝他啊。

咁點解揀生記呢,事源係阿石說自己比較喜歡吃生炒骨,當中尤以生記做得最好,於是就去拍攝,順道和讀者講下咕嚕肉與生炒骨的分別。

做完訪問,晚上8時,阿石說不如一起吃飯。

Honestly,這是我第一次吃生記(被噓中...... 咁出名都未食過!!),無他,因為我一個星期中實在有太多餐廳要試,好難一次過吃勻全港嘛~~

我只知她的鹽焗雞、泥鯭粥有水準,既然由阿石請客,就隨他見意,誰知他也點了這兩樣,另外當然不離生炒骨、土魷肉餅和炒菜心,二人來吃,分量真多。



鹽焗雞,嘩嘩嘩嘩嘩~~ 勁好食!個皮是脆的!肉很嫩,帶鹹香,真的...... 感動!天啊,我好久沒吃過好吃的雞了!

** 想吃記得要訂~~



肉餅,好厚,好足料,肉味豐,嚼頭足,只是略鹹吧。



泥鯭粥,幾好bor,不過因為我好少食泥鯭粥,所以不太會俾comment,但粥倒是棉香帶甜,個人來說好喜歡,另附送油炸鬼。



到當晚主角─生炒骨。真係,聞名不如見面,不拿它與陸羽的咕嚕肉比,因為當肉件帶骨後的味道是截然不同的!

這道菜,肉鬆化,微脆,酸甜味合度,愛煞!

是日因為阿石,我們得到了特別招待,更慘地被人用板封了個area給我們,令我和他好似撐檯腳咁,望到的人亦只有對方,挺尷尬的~

始終我不會政治嘛,只好和他聊食事,到後期談到他當年到中國抗議時如何被拒入境、立會內的議員爭拗其實是在做戲等等,整頓飯又變得有趣了。

嘻,多謝阿石不嫌我白痴。




生記海鮮飯店
灣仔軒尼詩道107-115號2至3樓
2575 2239/2575 2236

5 comments:

  1. 哈哈, 我一定不會噓您的, 因為我都係聽過但未試過呢~~~~

    ReplyDelete
  2. 甘...咕嚕肉與生炒骨的分別係...??

    ReplyDelete
  3. 有機會去灣仔試下先! 有d野想問妳意見架!
    話說之前去左台灣影婚照, 因我無加相, 所以佢相簿唔包美編! 於是就會有兩個選擇: 1係全部打直咁睇, 但橫相print係一個page時就會上下留白! 2係全部相都會滿版咁print出黎, 但會print哂所以打直既相先, 之後先會放橫相, 咁會唔連故仔, 同埋睇橫相要將本相簿轉45度睇! 我開頭簡左第2, 因我有一半相係橫相, 怕太多pages留白, 同張相唔知會唔會細, 滿版print咁咪大張d! 但宜家後悔, 諗諗下連住故仔咁睇會好d, 同埋唔駛轉45度睇橫相!! 月尾我會去睇第一之執相, 如果想轉應該到時可以同佢講! 唔知你覺得邊個option會好d呢??

    ReplyDelete
  4. 多謝你意見呀!! 我決定轉做option 1, 唔知轉唔轉到, 因係台灣一早簽定左option 2! 希望去睇第一次執相時同佢講會轉到la!! 依間野又衰, 唔包美編, 要加相/加$1000先包!! 我有諗過叫佢send d相俾我做美編, 做完再send俾佢print相薄!! 不過應該唔俾~

    我份人就係咁, 有選擇恐懼症!! 好彩有妳肯俾意見! Thank you so much ^3^

    ReplyDelete
  5. 一句形容:羨慕!

    ReplyDelete

Translate