November 3, 2011

豐富到不得了



呢件拿破崙係咪好吸引呢?

好多層,層層脆;你看到那custard的雲呢拿籽嘛?真材實料耶~

這甜品其實來自洲際酒店之Steakhouse,跟我這次想介紹的Harbourside Champagne Sunday Brunch沒關係的,但因為呢日各位media朋友在Harbourside食得太盡興,所以公關之後邀請我們過去隔離的扒房食她們的美式甜品。

每款大大件,望落好heavy,但真的超好吃!

無端是拿破崙,下面的朱古力心太軟、donut,都非常讚,和Harbourside那邊brunch的精緻甜品相映成趣,然而兩者皆好吃!!





言歸正傳,是日brunch異常豐富(比起我暫時食任何一間brunch都要豐富,記得千萬別吃早餐!!),以buffet形式供應,款式很多,單是頭盤就有:

海鮮拼盤,包括青口(澳洲及紐西蘭)、美國波士頓及南中國龍蝦、加拿大帶子、翡翠螺、鮮蝦(泰國)、睡蟹(蘇格蘭)、花蟹、加菲蟹(澳洲)、阿拉斯加蟹腳等;

另有刺身(約6款:三文魚、鱆紅、立魚、吞拿、赤貝、甜蝦、魷魚等;餐廳強調食材分別來自澳洲、菲律賓、台灣、韓國,沒一樣來自日本,大家可以放心。)、煙三文魚、燻鮫魚、燻雞、沙律 (凱撒沙律 + 4款自製沙律,  必食泰式青芒沙律、辣牛肉沙律、炸銀魚沙律等)。

聽到這已經飽了一半!





之後還有我最愛的「火腿檯」,供應風乾巴馬火腿(意大利及西班牙俱備)、意大利沙樂美腸等共4款(有專人現場即片火腿唷~~),另有法國、瑞士、荷蘭等地之芝士。 


↑我覺得整店的deco(食物擺設)令是場brunch感覺更豐富、震撼,抵讚!




熱盤,也精彩。

有不少live stations,像法國鴨肝、USDA美國牛扒、其他肉類Carving、北京填鴨(有人包埋,真好!)。

其他菜式也新鮮,不同漢堡都是現做,焗日式蟹蓋是熱呼呼的,pizza去得快,所以每每吃到的都是鮮焗而成,還有濃香有致的黑松露雲吞、一篤即破的egg benedict,以及非常香辣的印度咖喱都叫人留下深刻印象。






是日brunch,重點當然不少得free flow Perrier Jouet香檳;最抵的是,即使從Moet upgrade到任飲PJ香檳,其brunch也沒有特別加價唷~~ ^^ (另有紅、白餐酒、啤酒、汽水、鮮榨果汁、茶或咖啡供應的~~)



甜品,一個字:嘩!

款式多,有超過30款!許多更是坊間少有buffet供應的,如macaroons、madelaine,款款精緻!另外還有6款Haagen-daaz雪糕、4-6款洲際招牌原個蛋糕、2款朱古力噴泉、白朱古力及牛奶朱古力噴泉.......
吃了香桃撻,酥脆香甜,超讚!









Brunch豐富,配合熱鬧的用餐環境,感覺倒是絕配。

個人而返吃得輕鬆、愜意,成人每位$738慢嘆足3.5小時,說貴嗎?見仁見智吧,真的視乎閣下荷包和有幾愛buffet喇,不過即使窮過乜gei我都覺得幾抵/ 值得食,而且一定會搵一次自己俾錢食tim。嘻嘻~~

** 話時話,你可能覺得食個brunch七百幾好貴,但餐廳的確勁爆,仲有好多外國人,邊個話只有香港人鍾意食buffet!



Harbourside
尖沙咀梳士巴利道18號香港洲際酒店下層
2313 2323
逢星期日11:30am-3pm
成人$738、12歲以下小童$358 (另設加一服務費)
(無酒精顧客, 每位$588)

7 comments:

  1. 好好好吸引呀!!!!!!!!!!!!

    ReplyDelete
  2. 嘩嘩嘩嘩嘩嘩嘩...........................................................我要比100個嘩呀!!!! 好正呀!!!!!!!!!!!!!!

    ReplyDelete
  3. 你做記者的嗎? 介唔介意講係邊本呀? :P

    ReplyDelete
  4. 嘩! 夜晚有既野呢個brunch都有齊, 仲有埋香檳添!!! 咦..........你好衰架, 人地仲諗住戒一陣brunch癮架嘛!!!

    ReplyDelete
  5. ICIC ^^ 我公司係香港某個電腦袋/相機袋品牌, 大膽問句, 你有同事係負責這PART嗎? 只是有時我們的press release可以多一個接收雜誌...或者, 你們接受贊助禮品嗎? 香港做品牌好痛苦呀><

    ReplyDelete

Translate