January 12, 2011

很想你‧燒玉子

如果你捨得花錢吃,又自問極愛日本菜,便要來這家竹壽司。

店子頗有名氣,因為她是由幾位香港人聯同日本米芝蓮一星餐廳壽司幸開設,店內所有食材、菜式、做法俱由壽司幸話事,所以除了用料全由日本送抵,嚴謹的製作手法也一一跟到足。

竹壽司做得專門,主打壽司、刺身,煮物燒物加起來只有10款,很有高尚日本料理店的風格。

想吃到當天最新鮮的,當然要試Omakase,坐在壽司吧檯前看著師傅利落地包裹每件壽司,賞心悅目;再見件件呈扇形的壽司賣相,更覺對辦。

當然了,師傅全都擁有多年經驗,臨開店前更親往日本總店學師三星期,由切魚、包壽司等一一從頭學起,務求拿掐日本名名做壽司的精髓。

講多無謂,來吃lu~~

第一道菜:渡蟹+松葉蟹肉配蛋黃醋(很讚!!)

渡蟹,有D似我們的花蟹,但肉質實而偏淡;相反,松葉蟹肉腍滑味濃,兩者加起來可相互彌補嚼感和食味;醬汁則是用慢煮蛋黃配蛋白和醋製成,微甜,口感實在,混起來整個很好吃啊!

白海老和甘海老

富山灣的白海老,因蝦身小,難捉亦難剝殼,所以坊間少有,但其實牠的肉質很甜,像這樣配合甜蝦吃很讚,見即使只為小小一碟前菜,店子也不惜供應,可見日本人對吃的堅持啊。

拖羅、白身魚及車海老刺身

一句:新鮮到不得了!

即包的拖羅壽司啊~ 壽司飯不會散開,入口微溫香軟。

燒A5-12鹿兒島和牛

A5是超牛級數,大家聽得多,但其實當中有細分marbling級數,最高級約為15,而這則是第12級。個人則嫌它油花過盛,吃不到牛味。沒什麼好讚的。

煮物:秘製醬汁煮金目鯛

個汁,一流!師傅說是秘製...... 由壽司幸自行研製的,日本人最愛將之用來佐飯。但我覺得就咁飲都好好味。

燒冬菇壽司

超大又juicy的冬菇耶~ 由於我唔食海膽,所以師傅換了這個給我。

味噌湯

用渡蛋烚完的湯做湯底,再加入赤、黃及白麵豉來煮,故入口不會死鹹,又有麵豉香,很講究!但加入了柚子皮,個人就不太愛了。

壓軸登場:燒壽司蛋

這個蛋... 這個蛋...... 就是你們經常見到的燒玉子!但無論點樣睇,佢都好似好moist gei蛋糕!原來整法好費時,要用炭爐放在蛋汁上烘足45分鐘,仲一定要用人手將炭爐打圈烘至厚厚蛋汁至熟,極認真!難怪好吃到不得了!

不過唔係有錢就食到,因為師傅好堅持,話如果果日燒得唔好就唔供應...... 你睇,我都只分得咁細件ja......

總結:來一次,會體驗到在日本吃壽司的細膩感覺,加上刺身全都很新鮮,淨是一客帶子壽司,爽口有回彈感的味覺享受...... $1,000位也值得。(午市$300)

記住,因為多coverage,加上口啤好,所以好爆~~ 大家一定要book檯啊。


竹壽司

銅鑼灣開平道一號CUBUS 12樓

2577 0611

3 comments:

  1. 呢間鋪頭我細佬去過話正呀! 其實我都怕太多油花無咩咬口,高貴的和牛我吾太識欣賞。

    ReplyDelete
  2. To me, too expensive la.

    ReplyDelete

Translate