May 9, 2011

肥膏、腩肉、筋膜齊

食完旺角的生龍清湯腩,好想讚;不過見到openrice的dislike多個like,遲疑了一會,還是照寫,因為我覺得好食。

當然,要吃完唔dislike,一定要識揀來食。

店名叫得清湯腩,明顯主打牛腩。

不過,店子沒有將她的長處表現出來,打開餐牌,只在「清湯腩大王」一列下面寫住清湯腩河粉,再加一列牛腩口感說可以任揀,「腍D、爽D...」(實質寫乜我忘了~)

但其實這些形容詞的背後,是坑腩、硼沙腩、爽腩、蝴蝶腩之別,它們各有性格,各有牛味,就視乎你個人喜好了,點的時候最好講明。

你問我當中的分別...... 其實我也不知道,只知它們的名稱等同水準高低,坑腩應該是較為易找和平價的。

我自己,就喜歡硼沙腩,因為平時街市好難買到,要熟客先有得留ga~~(亦可能係個牛肉佬恰我啦!)

但個日賣曬...... =_= 唯有轉食爽腩(忘了點蝴蝶腩tim......),點知因為同沙腩一樣都係正o野,所以要加$3。(食唔同腩位要加錢,真係第一次聽)

爽腩到!

有齊薄肥膏、筋、膜、腩肉,讚bor~~ 看到湯面鋪滿油,好開心呀,令整體感覺更好味。

入口,腍軟,肉滑,邊嚼邊有陣濃郁的牛味飄出來,很不錯,跟一般在茶餐廳/ 粉麵檔吃到的根本無得比(除了華姐等有關專做牛腩的店子)。

吃罷滿口香馥,滿足唷~~

伴麵小吃,是炸雲吞。

估唔到新鮮到咁,我指gei係一吃"辣"口,超熱!不過即炸自有其風味,好吃過待涼了的多多聲啦。

皮,有點錦滷雲吞feel,頗脆,有陣香,只是吃到餡料,那部位的皮不脆了(我在澳門六記吃到整個都是脆的!),可能因為炸後餡料的肉都流出油/ 汁,軟化了外皮吧。

而那餡料,少少失望啦,加了豬肉,就不夠爽勁了。

不過...... 隨便在旺角街上找點吃的,其實可接受矣。

店子另外還有咖喱牛腩、番茄濃湯牛腩等不同口味,及一般粉麵檔供應的食物,大家來各取所需。


生龍清湯腩

旺角西洋菜街148號地下

2392 0558

5 comments:

  1. 搵日試下先! Daphne, 妳big day係幾時呀?

    ReplyDelete
  2. 我無聊好奇下ja! 真係好多人選年尾結! 妳有無搵人擇日?? 我哥可能2013年結, 睇下邊d月份結同係唔係一定要搵人擇日, 因我選日子時無搵人擇, 只睇宜嫁娶同無沖屋企人同我地生肖生日! 不過2013年酒店都未有得book~ 有好野我一定會share俾妳, 放心~

    ReplyDelete
  3. 睇相有根膜位有d肥膏,正! 呢間我都覺得吾錯,早前去過買外賣。不過夜晚去都係食吾到崩沙腩,售罄,吹脹。

    ReplyDelete
  4. 沙腩都係我最鍾意既部位呀!

    ReplyDelete

Google+ Followers

Translate