June 10, 2011

男人味

不知道大家對心儀的男士有什麼準則,亦不知道大家見到一個怎樣的男人才會「woo...... 正喎」。

但我就肯定鍾情極有男人味的男士。

男人味的定義是什麼?

不知道,應該沒有official definition吧,但大概是粗獷、略帶野性、身型健碩之類,最重要係行出來佢似一個男人。

說這句,是因為近年的台男、韓男潮(某些台星韓星)。

眼見八十後鍾意飛x海、捧捧x,仲有隊名長爆的韓國組合歌手,有點汗額。

「他們究竟是男人定女人?」是我經常有的疑問。許些人好大隻,但行出來扭扭擰擰,man味全無。

許多更是眼線、唇彩、塗甲油、長頭髮仲要不時撥弄+照鏡,真係有D攞膽。

可能災難當頭,他們仍只會記掛自己set得高高的頭髮有無吹挎,面上的粉有無融掉,仲要記住chok樣,瞇著眼,擺個他認為最殺人的笑容。

救命!

某天跟《飲食x女》的同事傾開,高編都說現在的男人已經面目全非,社會已經唔興大隻男、粗野男,而是興小白臉、柔柔弱弱那種,像張耀揚這樣的男生買少見少啦!

連訪問時張耀揚也說:「現在不敢練得太大隻了,行出來會俾人笑ga。」(多麼可悲!)

忘了說,藝人中,我最愛張耀揚。

{#20068884019782.jpg}



不論他在戲內的角色和性取向(我仍然努力唔信他是gay,對於愛的人,我也不介意他不愛我~~
哈~~),只論他這個人;和他會面,人很有禮,也斯文,沒有架子,重點是真的很man,大隻得來不是頭腦簡單那種,而是真正的粗獷型,不會姿整做怪,頭髮
也是自自然然的,簡單白tee配牛仔褲,就很好看了。

** 題外話:等了數年,終於有幸見到張耀揚,仲要係和自己偶像同檯食飯,個刻真係好慶幸入o左頭條工作!

男人的魅力,就是有能力保護和愛護女人,而這能耐不是每個人都有,至少外型上,這種男人點都比那班乸型有說服力吧。(抱歉,我很著重視覺享受。)

高編說:「現在很少男人肯承擔責任,做了錯事只會逃避,這些man爆的男人至少給人感覺揹得起,亦願意抗到尾。」

說到尾,只是希望社會上多一點這類人,多一點這類感覺上願意承擔責任的男人,那社會應該會和諧一點,也好看一點。

7 comments:

  1. airnote bridal atelierJune 11, 2011 at 8:18 AM

    食同張耀揚食過飯???? *眼充血到紅色* 哩篇blog entry我每粒字都認同啊~

    ReplyDelete
  2. 我都同佢食過飯同唱過K, 但我好肯定佢唔係肯的, 放心!!Hahaa......

    ReplyDelete
  3. 打錯字, i mean 我好肯定佢唔係基的......

    ReplyDelete
  4. 最鬼憎依家d男仔一遇到問題就"咁點呀咁點呀.....", 完全冇打算自己用個腦諗吓有咩solution, 一d擔戴都冇......

    ReplyDelete
  5. 係呀, 我以前識佢, 但唔係好熟, 己有一段無聯絡了!!因為我有一位朋友係男artist,所以佢間中會嗌啲artist 朋友一齊出嚟玩,佢同張耀揚好熟的,咁我有個女性朋友好鐘意Roy,所以佢專登嗌Roy一齊食飯同唱K,佢個人幾nice, 真人仲好斯文(我諗你同佢食過飯都覺, 亦可能佢大隻同成日拍埋d江湖片,所以我未見過佢之前以為佢好cool, 但其實佢真人好nice同好funny)!我記得佢當時係住係上水,屋企仲無電視的, 而佢有時仲會喺屋企門前種菜, 我哋都覺得佢好攪笑!!但後來佢最終都買咗電視啦!!我記得佢唱K果陣連女仔歌都唱埋亦好鍾意講笑, 好funny 的一個人,我仲成日講笑話佢同電影入面嘅佢咁唔同,可唔可以扮番古惑仔入面嘅樣嚟睇下, 佢話唔好啦, 因為電影入面係佢工作所需, 放咗工唔會再做嘞!!但佢對女性算幾gentleman 的(因為唱完K後,佢有車我同我朋友返屋企), 但佢之後同我講過一啲說話,令我覺得佢唔係基的,但如果你好鍾意Roy, 可能會令你失望!!而我嗰段時間我都間中見到蔡一傑, 我覺得佢哋係friend ,一定唔信佢同Roy 係攪基, 但蔡一傑就係gay的, 因為我成日見到佢攬住d男仔想咀人, 同埋聽過我啲artist 朋友講佢挑逗男仔嘅嘢.....

    ReplyDelete
  6. Totally agreed ==> 男人的魅力,就是有能力保護和愛護女人 !

    ReplyDelete
  7. 佢好似同蔡一傑一對架wor~ anyway, 佢的確很有男人味, like~

    ReplyDelete

Translate