June 25, 2011

本地海鮮火鍋

打o左blog咁耐,估唔到會有人有興趣和我會面,甚至做成朋友。

多謝你們是夜再次出來和我聚會唷~~

3個完全不同background、不同性格以及其實唔係好熟gei人走在一起,由大眾娛樂新聞到私人月事都拿出來談,也許這就是幾個女人一個墟的盛況。

我喜歡這種無拘無束的感覺,though我們三人未必事事o岩channel,但輕鬆吃頓飯已很好了。

本來想先旨聲明,這頓飯沒刻意要介紹這家餐廳,因為當中blogger與餐廳熟稔,所以牛肉是有優待的~~

但我又想,既然除了牛肉特別預留外,其他都是指著menu亂點,那質素其實也沒相差太遠吧~~

所以也想談談。

這家火鍋店名高流灣,老闆是西貢高流灣原居民,有門路取到西貢生猛海鮮貨、蝦、蟹、青口全是本地貨。

故店裡也主打海鮮,另有刺身、小吃和其他大路鍋料,價錢不算平,吃海鮮的話每人起碼$300落樓。

我們想也不想,即點來海鮮湯鍋底,湯頭呈奶白色,應是用過魚骨來熬之成果,內裡足料,蟹、蝦、九肚魚、鮮蠔和蜆齊備。

喝來,下了不少胡椒,微辛,滿口鮮。

Menu另有鍋底有十多款,一般大路的沙嗲、麻辣、豬骨不乏。

之後,是幾款招牌貨,椒鹽魷魚鬚、墨魚丸、魚三角,唔錯,特別係後兩者,墨魚丸超級爽口彈牙,有墨魚香味;魚三角,即近魚鰓的一片魚臉珠肉,又嫩又滑。

最最最愛,是牛肉。老實說,我不肯定吃的是什麼部位,但估計是脂肪較多的牛脊位吧,入口具肉香,嫌偏肥,略欠嚼頭,但我強調仍然愛吃。

最過癮,是嘩鬼蝦條,油條經過猛火深炸,顏色深沉,之後釀了蝦膠,吃時直接掉進湯中待灼熟,油條仍叫脆口,驚喜!~

這個...... 一般。一下湯便腍掉,單吃也欠鬆脆,裹得太厚了。

吃時夥計左右穿插,人客坐滿每張檯,蠻嘈的,但吃火鍋也吃氣氛,成班朋友來,叫啤酒清酒紅白酒,盡興而歸。

高流灣

尖沙咀山林道21-23號一樓

3520 3800

5 comments:

  1. 但係西貢海鮮出名既原因 , 係佢唔局限用本地野 , 邊度咩海鮮靚就入 , 基本上得好少係本地野 , 而牛脊是 沒有脂肪的 , 就算有都係掛係外圍 , 肉質十分堅韌有咬感 , 牛味很重 ~

    ReplyDelete
  2. airnote bridal atelierJune 26, 2011 at 7:09 PM

    其實果晚啲肉都唔夠平時好.. 太肥喇! 想問個waitress係咪拎錯架架不過唔想煩至冇出聲.. 哈哈佢真係時運高~

    ReplyDelete
  3. 我都鍾意去高流流,啲海鮮真係得!試過一次侍應提議我地食蟶子皇,問佢幾錢一隻,佢話二百蚊,我地話嘩咁貴,點知佢話已經好抵食架喇,最後講咗五分鐘先知原來佢係話廿八蚊!

    ReplyDelete
  4. very nice introduction... thank you

    ReplyDelete
  5. Daphne, 可否請你來我們在佐敦開的火鍋店試棻, 順便指教指教?

    ReplyDelete

Google+ Followers

Translate