June 23, 2011

昆布煮花蛤(附食譜)

今天的狂風暴雨,令我念起剛過去的周末來。

那天過得很寫意,下午有陳生替我煮咖啡,是焦糖口味的。

夜晚煮了頓不錯的飯,仲可以大嚐「美」清酒!

先講下我最自豪的一道菜,昆布湯煮花蛤。(←白痴!這有什麼好自豪的!)

一早去了Jusco買昆布和日本年糕(咁就$80!),之後再去百佳買花蛤。

煮時懶醒,諗住年糕實有排煮,於是晨早掉到湯中,結果全融在花蛤殼上,好難先食到。

不過呢隻年糕很好吃,入口微甜,煙韌得來不過於黐牙~~

佢仲有好多煮法,可以燒、煎、焗和放湯煮。$36一包,可以分開幾次食。

昆布煮花蛤食譜如下:

1. 先煮昆布湯。

昆布包裝背後有教,1L水+20g昆布,20g即係幾多?唔知,但我下了2條,煲了25分鐘。

2. 另起鑊,下少量牛油和蒜蓉炒花蛤(花蛤請先用鹽水浸數小時至完全吐沙唷~),炒至花蛤開殼。

3. 下昆布湯(煮後請拿走昆布)+少量雞湯/ 水(請自行調味,因為炒花蛤時已經出了許多鮮甜的水份,再下昆布湯已經好夠味~),煲約20-30分鐘。

4. 中途可加各式心愛配料,如本菇、豆腐、年糕等。即成!

見到陳生食得開心,我都好開心。^^

而呢一晚,我仲處女下海炸o野食

我知呢個炸雞軟骨係好似燶o左少少,但幾好食唷~~ 至少用來佐清酒,很讚!

這就是我提過2次gei「美」,第一次在一遊遇上它便不能自拔~ 星期五晚我和陳生到一遊的姊妹店一門見喝不完(堂飲$550),便打包回家再喝,得返半支,唔係好夠皮~~

為了它,被炸雞軟骨彈到癲都願意...... 不過唔知在哪裡可以買它回家呢~?(我相信在餐廳喝是貴一點唷~ 唔抵!)


一遊

尖沙咀諾士佛臺1號其利中心4樓

2366 2999

2 comments:

  1. I do like this swimming suit, it's so lovely. http://www.imore.hk/shownews.php?id=271 如 keep fit 成功, 送給自己, 獎勵自己. 剛與朋友上過一堂打泰拳班, 好多 OL 近年熱愛, 全身運動. 妳也可 try 吓, 可修身, 好健康, 當一周一次運動也可以ar. 妳快為陳太, 記住, 要 keep beauty d 個樣及 skin, 不比自己做yellow wife, 一周 3 次在家做 home mask, water, 美白, 收緊, no 得 lazy, 這是同學大力推介. 希望一天, 也如妳般開心, 滿足, 把開心事post 出來, 與大家分享. 我一直是追求sharing 的人. 祝福妳天天幸福, 天天快樂, 還有身體健康. 因為沒有健康身體, 愛妳的人會憂心妳.

    ReplyDelete
  2. 好似好好味!我都好鍾意飲sake架!

    ReplyDelete

Translate