3日勁瘦餐（沒有跟足版）

之前先話減磅進展緩慢，減極都係衝破唔到117的關口，之後我便跟唐安麒的3日勁瘦餐。

老實說餐單好難跟，因為餐與餐之間經常覺得肚餓，而且一個朝早根本食唔到2個生果，夜晚的粥包又不夠飽，完全是一個折磨，所以我沒有跟足，但都成功在3日內減了2磅，成績也算不錯吧。

現在公開我吃的非正式餐單，等一樣減緊肥的朋友有個ref。

** 我強調有班專sell人減肥的blogger老是在我的減肥文章中留言，我想講你們的減肥方法一D都唔ok，亦唔健康得去邊，短時間減廿磅係好似好快，不過同時反彈得仲快，我無興趣，嚴重希望你們這班人遠離我個blog！
 

Day 1

早餐：一杯暖水 + 一個蘋果 + 半杯低脂低糖乳酪（芒果味） + 一包4塊梳打餅

** 因工作關係吃了一個拳頭般大的鄉村包

午餐：豉汁蒸魚@銅鑼灣住家菜（約一隻手掌大）+ 一大碟灼菜心

** 因工作關係吃了一個迷你鄉村包和一小個海鹽rosemary麵包@caprice

晚餐：灼唐生菜（用雞湯煮）+ 唐安麒的粥包

** 做完運動，忍唔住吃了兩條香蕉+兩塊馬莎消化餅

Day 2

早餐：一杯暖水 + 一個雪梨 + 半杯低脂低糖乳酪（芒果味） + 一包4塊梳打餅

午餐：炒椰菜 + 煎豬扒（用黑椒+海鹽略調味，半茶匙油煎；共2塊，每款約掌心大）

** 又忍唔住，食了4塊馬莎消化餅

晚餐：一條香蕉 + 炒椰菜秀珍菇

Day 3

早餐：一杯暖水 + 一條香蒸 + 半杯低脂低糖乳酪（芒果味） + 兩包4塊梳打餅（←癲！）

午餐：灼芥蘭 + 煎豬扒（用黑椒+海鹽略調味，半茶匙油煎；共2塊，每款約掌心大）

**又忍唔住，食了2塊馬莎消化餅

晚餐：灼唐生菜（用雞湯煮）+ 一盒齋腸粉@一粥麵

註：每晚都有配合30分鐘以上運動唷~~

相信如果跟足的話，應該可以減得更多，各位姊妹不妨參考下。