September 25, 2011

十個決定

今天和陳生好俾心機咁計劃北京遊行程,心中暗暗下了十個決定:
1. 食唔停!一定要食三間以上烤鴨店,仲要喪食餃子、炸醬麵;
2. 唔住鬼屋四合院,但會在四合院餐廳感受下;
3. 點都要行至少一次北京超市;
4. 吃一頓京版麥記;
5. 升旗...... 唔好預我;
6. 可以的話,希望可以上一上完長城就走人,我唔想行到無o左隻腳!
7. 唔食西餐(麥記不是西餐麼!);
8. 必食宵夜,仲要買返酒店慢慢食;
9. 在王府井大街夜市試足十款小吃;
10. 天安門出面怒跑。
嘻嘻,諗起都期待......
大部分行程已定,好快就可以開始book餐廳了,可惜許多餐廳都不設網上訂檯,難道要打電話去?
唔...... 京版普通話的強勁R音我驚自己聽唔明bor...... 
睇睇下,點解我好像總是圍繞食?
「你去北京就是為了食?」陳生。
「對呀,我減得咁辛苦,影完相當然要放肆下!」我。
「我知,但我們去之前點都要認識下每個主要建築物的歷史呀,如果唔係去到就唔知睇乜......」陳生。
「我不是文人唷,你看完去到話我知咪得lor~~」我。
......
轉頭我又在揭旅遊書飲食的一部分了。
哈~~ 

5 comments:

  1. Hehe,我們都是這樣的...旅行會係幾時呀? 可以的話介紹下d美食wo~

    ReplyDelete
  2. 記得在王府井大街食 九不理包啊~~:)
    祝旅途愉快!

    ReplyDelete
  3. 嘻! 我同你一樣, 次次去trip都係為左食, d 咩名勝古蹟唔好預我 :P ~ 四合院餐廳我試過花家怡園, 坐露天位, 個feel都唔錯~ 佢有網上訂位, 不過我上次都係打電話去訂, 唔知網上訂位可唔可靠~ 建議你lunch盡量遲d去, 人比較少, 一來咁先影倒相 (唔係張張相都會有好多個人頭,同埋日光配四合院既紅色會靚d), 二來喺大陸食飯一多人就好嘈, 你知佢地係食喇叭大的~

    ReplyDelete
  4. 不停食~諗起都開心^o^

    ReplyDelete

Translate