仍需努力

一返公司，收到N咁多盒月餅，在此要多謝各位公關們的厚愛。

特別是Cepage大廚Sebastian特意送來的嘉麟樓奶皇月餅，一位行政總廚會送我月餅已夠驚喜，仲要唔係自己餐廳出品，開心+估佢唔到。

Thanks Sebastian.  You are always kind and helpful whenever I have difficulties.  Reply quickly whenever I text you.  Such a lovely head chef.  Love ya.

今年收到好多以前無收過gei月餅，像半島酒店送來的嘉麟樓奶皇月餅（對，即是我今年有2盒）、會展中菜廳、喜來登酒店、悅來酒店......

因為減肥，我無全部試曬，不過對於喜來登的蓮蓉月印象好深，因為餡料滑溜得很，而且甜度調較得宜，非常不錯。

另外要多謝四季酒店的公關A幫我special order一盒皮蛋子薑月餅，這真是我的榮幸。




減肥的路很漫長，沒完沒了，又停又減又停又減，都快搭入9月中了，只有丁微起色，而且壯志奇低，意志力薄弱，當下想攞把刀"界"走曬d脂肪一了百了！

之後經blogger講完，我又開始search Angel Tong的減肥療程。

其實我一直好想試宇宙飲食法，但礙於用餐配搭永遠不能肉+飯，而偏偏只有這個令我滿足，在怕不夠飽的情況下一直沒試。

但既然現在跟營養師餐的起色不大，那就試試吧。

不過再試之前，找到她說的3日勁瘦餐：

早餐：

1) 溫熱水1杯

2) 水果2個

3) 梳打餅乾3片

4) 脫脂乳酪半杯

午餐：

1) 〈甲殼纖體寶〉1 - 3粒

2) 水煮菜2碗

3) 再選下列任何一款食物：

（一）去皮雞腿1隻

（二）雞胸肉1份，可清蒸或切片後用1罐雞湯煮熟

（三）魚1條（如手掌大小）或5片魚生

（四）瘦肉8片，可用烤煮或用1罐雞湯煮熟

（五）豆腐2塊（每塊如半隻手掌大小）或黃豆5湯匙

晚餐：

1) 水煮菜2碗    

2) 纖體粥1包

3) 〈荷葉草本茶〉1杯

注意事項：

1. 三日期間不可喝任何冷飲，每天喝10杯以上的溫熱水或茶。

2. 不可飲用含糖飲料或甜食。

3. 此瘦身餐單每兩星期只可進行1次，1個月不能超過2次，不能連續6天進行。(如3日瘦身餐 → 2星期正常飲食 → 3日瘦身餐)

4. 每天須步行或原地踏步30分鐘（可以邊看電視邊踏步）。

5. 此餐單平均可減去2至3公斤， 3日期間必須多喝溫熱水。

前天買齊以下配件後，昨日首天試。


不過半失敗！

因為昨天去四季酒店影麵包，見到偶像餅廚Greg做的麵包根本係無可能抗拒啦！

現場仲有新鮮出爐、我最鍾意食gei海鹽rosemary麵包呀！！！！人都癲！！！！

所以中途就吃了半個咯~~ 然後...... 夜晚做完運動又超超超肚餓，吃了2條香蕉+2塊餅乾，呵呵~ 聽落其實唔止係半失敗啦~~~

不過講返個餐，早餐幾難跟，因為2個生果係完全食唔到，以為夠飽，但點知又好快肚餓！！！

夜晚個包粥，癡線！



睇下！開出來好似粥水咁，同佢影張相係十萬倍唔同！！！

小姐，咁食法唔怪得叫勁瘦餐啦，都唔飽gei！！

於是...... 今日又再開始lor~~ 都唔係跟得好準ga咋，次次都係4、5點捱唔住，結果又吃了4塊餅，不過到現在夜晚都唔肚餓，所以只食了一條蕉，諗緊好唔好食幾條菜......

減肥，如果我可以像今天遇到的朋友一樣，不在意別人眼光，只在意自己沒得吃的話，你話開心幾多？