July 24, 2011

養貓

本來無乜愛心,對小動物沒甚喜惡,有得玩,OK了,要我養,不如留返D錢養自己仲好。

不過係一年前訪問時見到肥肥的摺耳貓後,我開始留意起貓這動物來。

喜歡牠們愛理不理的傻樣子,不太癡身,那就免卻要我係咁陪佢玩gei煩惱,但同時牠們又會依偎在你身旁,像個小孩。

看著牠們傻頭傻腦自己在玩膠袋、玩盒子,心底裡就冒起要養貓兒來。

當然,要考慮的還多著;要是牠們狠抓我的名牌袋,咬破我的靚鞋,黐到我的頸巾全是毛......

這些都要細心去想。

早前朋友帶來貓貓給我看,開始攻破上面的難題......

好可愛!肥仔一名,好愛跟人玩,幾乎是任何人抱牠都可以!

又乖唔會四圍走,所以即使帶到去餐廳,店員都很喜歡牠。

這樣子好像很可憐吧?下面就是牠笑的樣子咯~~

哈哈哈~ 好有卡通裡面會笑的貓仔咁~~ 甜~~

再睇返佢細個個樣(中間帶紅色頸巾那隻~~)...... 可愛到不得了,我感到自己被牠融化了......

我問陳生:第日可以養貓嗎?

他說:你鐵定當牠抓花了你的Prada袋而你不會發脾氣時就養吧!

...... 人,始終會心痛嘛......

6 comments:

  1. 其實我覺得養貓其中一樣野, 係可以培養返0的手尾.. 用完0的野之後係要收返好佢.. 好似0的玻璃製品, 細件野如耳環介子散銀, 靚袋靚鞋, 膠袋都係.. 養佢地就好似養多個bb咁.. 咩都要以佢地行先.. 唔知佢地會唔會玩, 會唔會食落肚, 但安全起見就要以防萬一 我好鍾意貓的, 但到宜家都無養就係咁解.. 養動物係一生一世的責任.. 所有動物細個個陣都會好可愛 但過多兩三年佢地就步入中年, 開始會無細個咁活潑可愛.. 同埋細個個陣, 要教佢用便盤, 唔好爪野.. 呢0的初時都要用好多耐性的... 諗清楚啦~

    ReplyDelete
  2. airnote bridal atelierJuly 25, 2011 at 12:20 AM

    第三張相係夾公仔機嚟架下嘛....

    ReplyDelete
  3. 以前養過貓,覺得都OK丫吾會太麻煩,整體都好乾淨下。 我吾鐘意波斯貓不過呢隻肥仔真係cute爆呀!

    ReplyDelete
  4. 好可愛呀! 搞到我都想攬下佢! 妳收埋好d袋咪得law?!

    ReplyDelete
  5. 哈, 我好驚小動物架, 不過呢隻貓真係好可愛呢!!

    ReplyDelete
  6. 我隻女bill bill...幾年來從未抓過我的袋、梳化~
    你要擔心的...是在即使有窗花的窗戶上....加多一個欄.....避免佢地行出窗玩...
    ps:摺耳喵多病痛,因為佢地係混種,關節好似有問題...不過樣子係最蠢~ 要養揀另一個品種吧~

    ReplyDelete

Google+ Followers

Translate