Gadd's，多麼神聖的一家餐廳......
神聖在：歷史悠久、名氣極高、出品超卓、超級高檔...... 收費同樣高。
但，她做的都是響負成名的法國菜。
我從沒想過可以踏足Gadd's..... 除工作外~
而一直以來亦沒有工作可以讓我走進這家名店......
直至剛過去的星期四。
話說她新推了一個sunday lunch，每位$888，食到4個course兼任飲玫瑰香檳，邀請傳媒、名人試食。
與我同檯的有歐陽應霽同紀堯華。
聽落好貴，但話哂人家是高級餐廳，用料有保證，加上個支香檳平日點要成$1650一支，有得任飲仲想點？(不過個人都係覺得吃不起~)
當然，來得吃也為了感受她的服務。老實說，環境好優越，侍者招呼燙貼，果真與別不同。
至於係咪真係咁好食呢......
一開波的凍鵝肝，因個人口味問題，不懂欣賞，亦不愛吃。
但用來配鵝肝叮的麵包我真很愛吃~ 鬆軟外脆，好香呀！
其他麵包都好好味~ 有4款，我只試了這2個。
第二道龍蝦雲吞，強！內裡的龍蝦肉好大隻，好爽，伴碟的龍蝦foam好鮮、好香，正啊~~
再來到主菜，有slow cook salmon同2 ways spring chicken，我選了後者，但也不忘偷試了行家的三文魚~~
前者好得好得！嫩軟有汁，真摰的鮮味，好少吃到。
後者，ok~ Slow cook雞肉好食，滑到不得了~ 但煎製的過鹹，皮脆但肉o鞋，唔算好食。
甜品好震撼，超多款式，賣相有gimmick，不過水準麻麻，可能因為我唔多like fruity的甜點吧~~
Macaroons... 一如傳統，爆甜！
只知係白朱古力+雪葩，好fresh！上檯時玻璃杯底設有乾冰，好靚~~
好鍾意佢gei濕毛巾，用碟上，入在膠袋內，拿出來很冰涼啊~~
No comments:
Post a Comment