各家自掃門前雪

昨日環境局長邱騰華聯同多名立法會議員親身體驗停車熄匙。

就畫面見，司機話：你感受下，幾熱！唔好話我o地D司機，乘客等到上車，覺得咁熱實頂唔順，邊有乘客肯陪你熱！

側邊的小食檔阿嬸話：梗係要熄匙啦，如果唔係我o地好辛苦ga！

環保人士話：熄匙唔單止關乎環保問題，更關乎到人們健康，所以熄匙呢個動作好重要。

每人在社會處於不同角色，需以符合角色的份內事為依歸，邱生鬼唔知停車熄匙熱咩，但環保組織嘈、路人甲乙丙嘈、唔知阿水又嘈，又基於全球環境已經危在旦夕，似乎...... 不容忽視。

有議員感受完後，說要盡量在有關措施上取得平衡。

鬼唔知平衡！點平衡先得ga？

人皆自私，每人都有心中所想，只是方法有N個，但通常照顧得了A，又關顧不了B，邱生也有難處。

又或者係，我們這班人可唔可以偉大D，唔好諗係咪益o左個司機，而淨係諗個地球，為我們下一代著想？

如果唔可以，大家又憑咩繼續投訴這投訴那？

引用特首新近氣頂「名句」：各家自掃門前雪，既然爭拗沒完沒了，那便什麼措施都不要傾、不要搞，反正大家你死你事，一於一齊死，最好！