自己整 - 香蕉蛋糕 (首次)

一直以來都好想學整蛋糕，不過打開食譜，見到個堆工具和食材，即時投降。

剛過去的周日忽地的起心肝，行行下超市一口氣買曬所有材料回家，計落真係一D都唔平。

始終都係第一次，整個簡單D啦 ─ 香蕉蛋糕。

***

其實話簡單D，一D都唔簡單，一開波已經將下材料的次序放錯曬！

之後仲將牛油同糖gei份量double了！(冏)

結果第一批材料全倒掉，肉都赤。

搞了一大輪，終於可以人倒入模，個刻望見呢款衰樣，已經無乜期望。

結果......

但點知出來個效果又幾好喎，似模似樣，仲令成個廚房香噴噴o添！

當晚攤涼後，已經係凌晨1點，第二日仲要返工，但我死都等到可以試味一刻。

結果...... (累到忘了影相) 入口幾moist，微軟，仲有好香的香蕉味，媽咪就話嫌甜了一點~~ 不過我感覺始終係差咁一D o野，但又唔知係咩.......

Anyway，有了經驗，下次一定可以好好多。

下次target：pound cake~~ (我最愛吃了~~)