豐足盛宴

是夜，多謝成班老友和我慶祝生日~~

相信大家都過得盡興，因為這次生日宴好豐盛，仲好抵食，一行14人食足12道菜都只是$2,200，圍起來即每人百幾蚊，便可吃齊阿拉斯加蟹、鮑片、鮮蝦、霸皇雞、羊架等菜式，人人飽到不得了，笑聲滿溢。

阿拉斯加蟹粥用日本米做，很綿滑，蟹腳肉厚帶鮮，一流！

火焰羊架味道不俗，微羶，惟有點乾吧。

這蝦好入味，用藥材做汁底，單吃味道最佳。

金鲉好滑好滑，亦好大條，但仍然唔夠分... 呵呵~ 因太好味了。

最爆炸是吃到尾聲，全場熄燈開disco燈，播中式祝壽歌，好鬼土，但好搞笑，難忘到極。

維園泳池餐廳

地址：維多利亞公園泳池一樓 (天后A2出口)

電話：28389488

** 最少6人訂檯，私房菜形式，菜單由大廚發板。